کورونا وائرس :کیرالہ میں صرف 20 منٹ میں ایک شخص سے چار لوگوں تک پہنچا

ملک میں کووڈ 19 یعنی کورونا وائرس کے کیس مسلسل بڑھتے جارہے ہیں ۔ ایسے میں کیرالہ کے کاسرگوڈ سے ایسی خبر سامنے آئی ہے ، جس نے لوگوں کو حیران کردیا ہے ۔ دی نیوز منٹ کی ایک رپورٹ کے مطابق کاسرگوڈ میں بدھ کو کلیکٹر ڈی سجیتھ بابو نے کورونا وائرس کے کیس کو لے کر ایک بڑا انکشاف کیا ہے ۔ انہوں نے بتایا کہ کووڈ 19 صرف بیس منٹ میں ایک شخص سے چار لوگوں میں پھیل گیا ۔

سجیتھ بابو نے مزید کہا کہ دوسرے نمبر کا مریض 16 مارچ کو دبئی سے کاسرگوڈ آیا تھا ۔ مریض نے جانچ کیلئے نمونے دئے اور انہیں آئسولیشن میں رہنے کیلئے گھر بھیج دیا گیا ۔ اس کے بعد وہ گھر میں بیس منٹ کیلئے اپنی ماں ، بیوی اور بچے سے ملا ، جو کہ 20 مارچ کو مثبت پائے گئے ۔ ان کے ایک دوست جو انہیں ائیر پورٹ پر لینے کیلئے گئے تھے وہ بھی مثبت پائے گئے ہیں ۔ سبھی انفیکٹیڈ لوگوں کو فی الحال آئسولیشن میں رکھا گیا ہے ۔

♨️Join Our Whatsapp 🪀 Group For Latest News on WhatsApp 🪀 ➡️Click here to Join♨️

مریض نمبر دو کے علاوہ انتظامیہ کو اس شخص کی رپورٹ کا بھی انتظار ہے جو کہ مریض نمبر تین کے رابطے میں آیا تھا ۔ یہ شخص 47 سال کا ایک تاجر ہے جو کہ دبئی سے لوٹا تھا ۔ ایسا ہوسکتا ہے کہ یہ چار اضلاع کے ہزاروں لوگوں کے رابطے میں آیا ہو ۔ کیونکہ یہ کئی کلب ، تین شادیوں ، ایک آخری رسومات اور کئی دیگر عوامی پروگراموں میں شامل ہوا تھا ۔ یہ شخص ریاست میں تقریبا چودہ سو لوگوں کے رابطے میں آیا ۔

کاسرگوڈ کے حالات کو سمجھنے کیلئے بدھ کو جانچ کیلئے بھیجے گئے نتیجے کافی اہم ہیں ۔ کلیکٹر نے کہا کہ ہم ٹیسٹ کیلئے بھیجے گئے سستر نمونوں کی جانچ کے نتائج کا انتظار کررہے ہیں ۔ یہ ایک ہم دن ہے ۔ آج ٹیسٹ کیلئے دئے گئے نمونوں میں وہ لوگ شامل ہیں ، جو 47 سالہ تاجر کے رابطے میں آئے تھے ۔

ضلع میں پانچ کٹ کی جانکاری دیتے ہوئے کلیکٹر نے بتایا کہ کاسرگوڈ میں تیرہ لاکھ لوگ رہتے ہیں اور ہر کسی کیلئے جانچ کٹ دستیاب کرانا ممکن نہیں ہے ۔ انہوں نے کہا کہ ہمارے ڈاکٹرس ہمیں بتا رہے ہیں کہ کس کی جانچ کرنی ہے اور کس کی نہیں ، ہمارے پاس تیرہ لاکھ کٹس نہیں ہیں اور ہمیں ہر ایک کو جانچنے کی ضرورت بھی نہیں ہے ۔

یہ بھی پڑھیں:  مشرف کے خلاف عدالتی فیصلے پر پاکستانی فوج میں ’تکلیف اور اضطراب‘

WARAQU-E-TAZA ONLINE

I am Editor of Urdu Daily Waraqu-E-Taza Nanded Maharashtra Having Experience of more than 20 years in journalism and news reporting. You can contact me via e-mail waraquetazadaily@yahoo.co.in or use facebook button to follow me