Waraqu E Taza Online
Nanded Urdu News Portal - ناندیڑ اردو نیوز پورٹل

کورونا بحران، یکم جون سے ملک میں چلیں گی 200 نان اے سی ٹرینیں،جلد شروع ہوگی آن لائن بکنگ

IMG_20190630_195052.JPG

نئی دہلی: وزیر ریلوے پیوش گوئل نے آج اعلان کیا کہ ہندوستانی ریلوے یکم جون سے روزانہ ٹائم ٹیبل کے مطابق مزدوروں کے لئے 200 نان اے سی والی ٹرینیں چلائے گا ، آن لائن بکنگ جلد ہی شروع ہوجائے گی۔

مسٹر گوئل نے یہاں ٹویٹر پر کہا کہ بھارتی ریلوے ٹائم ٹیبل کے مطابق یکم جون سے روزانہ 200 نان اے سی ٹرینیں چلائے گا ، آن لائن بکنگ جلد ہی شروع ہوجائے گی۔ انہوں نے کہا کہ مزدوروں کے لئے یہ بڑی راحت کی بات ہے کہ آج 200 کے قریب مزدوروں کی خصوصی ٹرینیں چل رہی ہیں اور اگلے دو دن میں یہ تعداد دوگنی ہوجائے گی اور اس کے ساتھ ہی 400 مزدوروں کے لئے خصوصی ٹرینیں چلائی جائیں گی۔

وزیر ریلوے نے ریاستی حکومتوں پر زور دیا کہ وہ پرواسی مزدوروں کی مدد کریں اور انہیں نزدیکی مین لائن اسٹیشن کے ساتھ رجسٹر کر فہرست ریلوے کو دیں تاکہ ریلوے کے کارکن خصوصی ٹرینیں چلاسکیں۔ گوئل نے ریاستوں سے بھی اپیل کی کہ وہ سڑک پر جاتے ہوئےکسی بھی مزدور کو فوری طور پر نزدیکی مین لائن اسٹیشن تک لائیں ، اور ان کا اندراج کریں اور یہ فہرست ریلوے کو دیں تاکہ انہیں گھر پہنچا یا جاسکے۔

انہوں نے مزدوروں سے درخواست کی کہ وہ اپنی جگہ پر رہیں ، بہت جلد ہندوستانی ریلوے انہیں منزل مقصود تک لے جائے گا۔ ہندوستانی ریلوے نے اب تک 1600 سے زیادہ شرمک اسپیشل ٹرینوں کے ذریعے 21 لاکھ سے زیادہ افراد کو منزل تک پہنچایا ہے۔

#UrduNews #UrduNewsNewDelhi #CoronaCrisis #NonAcTrains #June #OnlineBooking #CoronaVirus #Lockdown #RailMinistry