کشن گنج کے کچھ سرکاری اسکولوں میں جمعہ کو تعطیل اور اتوار کو اسکول رہتا ہے،لوگوں نے اٹھائے سوال

321

پٹنہ: 25. جولائی ۔بہار کے مسلم اکثریتی ضلع کشن گنج کے سرکاری اسکولوں میں مختلف قوانین چل رہے ہیں۔ مسلم آبادی والے سرکاری اسکولوں میں جمعہ کو ہفتہ وار چھٹی ہوتی ہے جبکہ اتوار کو اسکول کھلا رہتا ہے۔ جس طرح مدارس میں جمعہ کو ہفتہ وار تعطیل ہوتی ہے، اسی طرح مسلم آبادی والے اسکولوں میں جمعہ کو ہفتہ وار تعطیل کی روایت بہار حکومت کی طرف سے کئی سالوں سے چلی آ رہی ہے۔ جس کی وجہ سے نظام حکومت پر سوالات اٹھ رہے ہیں۔

لائن اردو مڈل اسکول، اپ گریڈڈ مڈل اسکول کربلا سمیت شہر میں ڈیڑھ درجن کے قریب سکول ایسے ہیں جہاں جمعہ کوا سکول بند رہتا ہے تاہم یہ تمام اسکول مسلم اکثریتی علاقوں میں ہیں ۔اسکول میں زیر تعلیم طلباء مسلمان ہیں. اسکول کی ہیڈ مسٹریس جھرنا بالا ساہا کا کہنا ہے کہ یہ روایت برسوں سے چلی آ رہی ہے۔

اسی دوران ایک اور سکول کربلا کے انچارج ہیڈ ماسٹر محمد وسیم نے کہا کہ جمعہ کے دن سکول بند ہونے سے ان لوگوں کو بھی مدد ملتی ہے کیونکہ اگر جمعہ کے دن کوئی گورنمنٹ کا کام ہے تو وہ کرتے ہیں۔ اس کے علاوہ، اس سے جمعہ کی نماز پڑھنا آسان ہو جاتا ہے، انہوں نے مزید کہا کہ اتوار کو اسکول کھلا رہتا ہے۔