پٹھان کی جارحانہ اننگز سے انڈیا ليجنڈز کی جیت

ممبئی، 11 مارچ (یواین آئی) تیز گیندباز مناف پٹیل (19 رن پر چار وکٹ) کی شاندار بالنگ کے بعد آل راؤنڈر عرفان پٹھان (ناٹ آؤٹ 57) اور محمد کیف (46) کی شاندار اننگز کے دم پر انڈیا لیجنڈز نے سری لنکا لیجنڈز کو منگل کو یہاں ڈی وائی پاٹل اسٹیڈیم میں کھیلے گئے روڈ سیفٹی ورلڈ سیریز کے تیسرے میچ میں آسانی سے پانچ وکٹ سے ہرا دیا۔

سری لنکا ليجنڈز نے مقررہ 20 اوور میں آٹھ وکٹ کے نقصان پر 138 رن کا اسکور بنایا لیکن انڈیا ليجنڈز نے خراب آغاز کے باوجود 18.4 اوورز میں پانچ وکٹ کے نقصان پر 139 رن کا ہدف حاصل کرکے میچ اپنے نام کر لیا۔

♨️Join Our Whatsapp 🪀 Group For Latest News on WhatsApp 🪀 ➡️Click here to Join♨️

انڈیا ليجنڈز کی جانب سے سرکردہ راؤنڈر عرفان پٹھان نے میچ فاتح اننگز کھیلتے ہوئے سب سے زیادہ 57 رنز بنائے۔ پٹھان نے 31 گیندوں کی اپنی جارحانہ اننگز میں چھ شاندار چوکے اور تین بہترین چھکے لگائے۔ کیف نے 45 گیندوں کا سامنا کرتے ہوئے چار چوکوں اور ایک چھکے کی مدد سے 46 رنز کی شاندار اننگز کھیلی۔

WARAQU-E-TAZA ONLINE

I am Editor of Urdu Daily Waraqu-E-Taza Nanded Maharashtra Having Experience of more than 20 years in journalism and news reporting. You can contact me via e-mail waraquetazadaily@yahoo.co.in or use facebook button to follow me