• 425
    Shares

نئی دہلی، 3ستمبر (یو این آئی) دہلی پولیس کے جوانوں کو خصوصی ڈیوٹی کے دوران اب کھانے پینے کی پریشانیوں کا سامنا نہیں کرنا پڑے گا۔ من پسند گرما گرم کھانا ایک موبائل کال یا میسج پر ان کے سامنے حاضر ہوگا۔دوارکا کے ڈپٹی کمشنر آف پولیس سنتو ش کمار مینا نے جمعہ کو بتایا کہ ضلع میں پائلٹ پروجیکٹ یعنی تجرباتی طورپر ایک ’موبائل کینٹین وین‘ یعنی ’چلتی پھرتی رسوئی‘ کی شروعات کی گئی ہے۔ پولیس اہلکاروں سے فیڈبیک لینے کے بعد سینئر عہدیداران کی طرف سے اس انتظام کا جائزہ لیا جائے گا۔ اگر رپورٹ مثبت آئی تو دہلی پولیس اس سہولت کی دیگر اضلاع تک توسیع کرے گی۔

انہوں نے بتایا کہ نئی پہل سے خصوصی مواقع پر امن و قانون انتظامات سنبھالنے یا باقاعدہ گشت کی مصروفیت کے دوران پولیس اہلکاروں کو کئی کئی گھنٹے پہلے پیک کئے گئے کھانا کھانے کی مجبوری نہیں رہے گی۔ موبائل کینٹین انچارج کے موبائل نمبر پر صرف ایک مسیج یا کال کرنا ہوگا اور ڈیوٹی کی جگہ پر تازہ اور ترما گرم کھانا مل جائے گا۔ سہولت حاصل کرنے کے لئے ڈیوٹی پوائنٹ انچارج/کمپنی کمانڈر سے کھانا پہنچانے کی درخواست کرنی ہوگی۔

مسٹر مینا نے بتایا کہ موبائل کینٹین کے ذریعہ سے تازہ کھانا کے علاوہ ٹھنڈا اور گرم پانی، دیگر مشروبات پولیس اہلکاروں کو دستیاب ہوں گے۔ اس کا استعمال کرنے والے پولیس اہلکار سے وقت وقت پر رائے لی جائے گی اور اسی کی بنیاد پر اگر ضرورت ہوئی تو تبدیلیاں کی جائیں گی۔انہوں نے بتایا کہ مختلف سہولیات سے لیس ایک ٹاٹا۔407 گاڑی میں کھانے کے لئے ٹیبل، پانی کی مشین (گرم اور ٹھنڈا) اور کھانے کے ذخیرہ کے لئے مناسب انتظامات کئے گئے ہیں۔

خیال رہے کہ فسادات، بھیڑ انتظامات، مذہبی اجلاسوں، مختلف تہواروں، سیاسی ریلیوں، بین ریاستی سرحدوں پر امن و قانون انتظامات قائم رکھنے کے لئے تعینات پولیس اہلکاروں کو مجبوراً باسی کھانا مجبور ی بن جاتا ہے اور انہیں ناشتے پانی کی مشکلا ت سے بھی دوچار ہونا پڑتا ہے۔

ورق تازہ نیوز اب ٹیلی گرام پر بھی دستیاب ہے۔ ہمارے چینل کو جوائن کرنے کے لئے یہاں کلک کریں  https://t.me/waraquetazaonlineاور تازہ ترین خبروں سے اپ ڈیٹ رہیں۔