پاکستانی اداکارہ ماہرہ خان کی دوسری شادی

دبئی: متعدد ٹیلی ویژن شوز اور فلموں میں کام کرنے والی پاکستانی اداکارہ ماہرہ خان مبینہ طور پر دوسری شادی کے لئے تیار ہیں۔ماہرہ خان نے عاطف اسلم کے ساتھ فلم بول کے ساتھ اپنے کیریئر کی شروعات کی تھی۔ اس کے بعد شاہ رخ خان کی فلم رئیس سے بالی ووڈ میں ڈیبیو کیا۔ رپورٹس کے مطابق وہ ستمبر میں اپنے دیرینہ بوائے فرینڈ سلیم کریم کے ساتھ شادی کریں گی۔فواد خان کے ساتھ ہمسفر جیسے ٹیلی ویژن شوز اور بول، رئیس اور دی لیجنڈ آف مولا جٹ جیسی فلموں کا حصہ رہنے والی پاکستانی اداکارہ ماہرہ خان بظاہر اپنی ذاتی زندگی پر توجہ مرکوز کرتی ہوئی نظر آرہی ہیں۔

پاکستان میں مقیم متعدد میڈیا اداروں نے رپورٹ کیا ہے کہ ماہرہ ستمبر میں شادی کرنے والی ہیں۔ وہ سلیم کریم کے ساتھ شادی کے بندھن میں بندھ جائیں گی۔رپورٹس میں مزید بتایا گیا ہے کہ شادی کی کی تقریب میں جوڑے کے قریبی دوستوں اور اہل خانہ شرکت کریں گے۔ڈیلی پاکستان نے اطلاع دی ہے کہ اداکارہ ماہرہ خان پاکستانی پنجاب کے ایک پہاڑی مقام پر شادی کریں گی۔ تاہم اداکارہ نے ابھی تک اس بارے میں کچھ شیئر نہیں کیا ہے۔

ماہرہ خان ایک بہت ہی مقبول پاکستانی اداکارہ ہیں۔ فواد خان کے ساتھ ٹیلی ویژن شو ‘ہمسفر’ کے ساتھ وہ ہندوستان میں گھریلو نام بن گئی تھیں۔انہوں نے فلم رئیس سے بالی ووڈ میں قدم رکھا تھا جس میں شاہ رخ خان نے مرکزی کردار ادا کیا تھا۔ وہ ویب سیریز چڑیلس میں بھی نظر آئی تھیں۔اداکارہ اس وقت ‘رضیہ’ میں خطابی رول میں نظر آ رہی ہیں اور ان کی اگلی فلم کا نام نیلوفر ہے۔

اس ماہ کے شروع میں ایک انسٹاگرام لائیو کے دوران اداکارہ کے بوائے فرینڈ کے نام کا انکشاف ہوا تھا۔واضح رہے کہ ماہرہ خان کی یہ دوسری شادی ہوگی۔ ان کی پہلی شادی علی عسکری سے ہوئی تھی اور دونوں میں 2015 میں طلاق ہوگئی تھی۔ پہلی شادی سے ماہرن خان کو ایک بیٹا بھی ہے جس کا نام ازلان ہے۔