ویلنٹائن ڈے پر ’شاہین باغ‘ نے پی ایم مودی کو بھیجا ’پیار بھرا پیغام‘

دہلی کے شاہین باغ میں شہریت ترمیمی قانون اور این آر سی کے خلاف تقریباً دو مہینے سے مظاہرہ کر رہی خواتین کا کہنا ہے کہ 14 فروری یعنی آج ویلنٹائن ڈے پر وہ وزیر اعظم نریندر مودی کو پیار کا پیغام دینا چاہتی ہیں۔ شاہین باغ میں گزشہ تقریباً دو مہینے سے خواتین اور بچے سڑک پر بیٹھ کر مظاہر کر رہے ہیں جس کی وجہ سے کالندی کنج-سریتا وہار روڈ بند ہے۔ مظاہرہ کرنے والی خواتین کا کہنا ہے کہ ’’حکومت کا کوئی نمائندہ آئے، ہم سے بات کرے اور ہم کو یقین دلائے کہ حکومت قانون واپس لے رہی ہے۔‘‘

ویلنٹائن ڈے پر وزیر اعظم نریندر مودی کے نام پیغام بھیجنے کا سلسلہ جمعرات کو ہی سوشل میڈیا پر شروع ہوگیا تھا جس میں ہیش ٹیگ ’مودی تم کب آؤگے‘ خوب وائرل ہو رہا ہے۔ وزیر اعظم نریندر مودی کے لیے شاہین باغ کے لوگ احتجاج کے مقام پر ’ٹیڈی بیئر‘ لے کر پہنچے اور یہ پیغام دینے کی کوشش کی کہ ’’وزیر اعظم مودی جی، آپ آئیے اور ہم سے بات کیجیے، نفرت مت کیجیے۔‘‘ 13 فروری کو احتجاجی مظاہرہ میں ایک خاتون نے یہ پیغام دیا کہ’’شاہین باغ آئیے، پیار کے تہوار کا جشن منایئے، پیار بانٹیے اور اپنا تحفہ لے کر جائیے۔‘‘

ویسے شاہین باغ کے کچھ مظاہرین پی ایم نریندر مودی کے لیے ویلنٹائن ڈے پر خاص پیغام بھیجنے سے سے خفا بھی نظر آ رہے ہیں۔ کچھ خواتین کا کہنا ہے کہ جامعہ میں دو دن پہلے طلبا کے ساتھ مار پیٹ کی گئی اور اب اس طرح کا پیغام شاہین باغ سے بھیجنا ایک غلط قدم ہو سکتا ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو

یہ بھی پڑھیں:  اتر پردیش میں پرینکا گاندھی کی سرگرمی سے ایس پی-بی ایس پی میں دہشت
HAJJ ASIAN

WARAQU-E-TAZA ONLINE

I am Editor of Urdu Daily Waraqu-E-Taza Nanded Maharashtra Having Experience of more than 20 years in journalism and news reporting. You can contact me via e-mail waraquetazadaily@yahoo.co.in or use facebook button to follow me

جواب دیں

آپ کا ای میل ایڈریس شائع نہیں کیا جائے گا۔