تاریخ ساز جلسہ کی کامیابی سے راشٹروادی اورکانگریس پریشان: امتیاز جلیل
اورنگ آباد:(جمیل شیخ):اورنگ آباد کے بعدپونہ شہر میں بہوجن ونچت اگھاڑی کے جلسہ میں لاکھوں کی تعداد میں لوگوں نے شرکت کی اور اس جلسہ کو کامیاب بنایا جلسہ میں آئی بھیڑ دیکھ کر کانگریس اور راشٹروادی پارٹیو ںکے ہوش فاختہ ہوگئے۔لیکن ریاست میں برسوں تک اقتدار پر رہنے والی کانگریس اور راشٹروادی یہ بتانے کی کوشش کررہی ہے کہ وہ جلسہ میں آئی بھیڑ سے گھبرانے والے نہیں ہے۔ ان خیالات ا ظہارمہاراشٹرا میں ایم آئی ایم کے قائد اور اورنگ آباد سنٹرل حلقہ کے رکن اسمبلی امتیازجلیل نے کیا ہے۔ تفصیلات کے مطابق ۲اکتوبر کو شہر اورنگ آباد کا بہوجن ونچت اگھاڑی کا تاریخی جلسہ عام منعقد کیا گیا تھا۔جسمیں اگھاڑی کے قائدایڈوکیٹ پرکاش امبیڈکر اور مجلس اتحاد المسلمین کے قائد رکن پارلیمنٹ بیرسٹر اسد الدین اویسی اس تاریخ ساز جلسہ سے خطاب کرکے ایک نئی تاریخ رقم کرنے کی جانب قدم بڑھائے تھے۔ پرکاش امبیڈکرکانگریس کے ساتھ چناوی اتحاد کریں گے اور لوک سبھا چنائو کانگریس کے ساتھ مل کرلڑایا جائے گا۔اس قیاس کو پونہ کے جلسہ نے پوری طرح ٹائیں ٹائیں فش کردیا ہے یہ بھی کہا جارہا تھاکہ کانگریس اگھاڑی کو ۱۲؍جگہ دے گی یہ بھی بات سامنے آئی تھی کہ راشٹروادی کانگریس کے ساتھ مل کر اگھاڑی چنائو لڑے گی۔یقین کے ساتھ یہ دعویٰ کیا جارہا تھا کہ چالیس تا ۴۲ لوک سبھا حلقوں میں این سی پی کے ساتھ اگھاڑی چنائو لڑے گی۔اس معاملے پر پونہ میں امتیاز جلیل نے واضح کیا کہ راشٹروادی کو یہ پتہ چل چکا ہے کہ دلت اور مسلم ریاست میں کتنے طاقتور ہیں۔اپنے خطاب میں انہو ںنے کہا کہ اب یہ دونوں کانگریسیوں کو پتہ چل چکا ہے ہماری کتنی اہمیت ہے۔ لیکن اب بھی وہ یہ ظاہر کرنے سے کترارہے ہیں کہ انہیں مسلمانوں یا دلتوں کی ضرورت ہے۔انہو ںنے آگے کہا کہ ہم پر الزام عائد کیا جاتاہے کہ ہم بی جے پی کی بی ٹیم ہے انھو ںنے سوال کیا کہ کیا مسلمانوں نے کانگریس اور راشٹروادی کو اقتدار میں لانے کا ٹھیکہ لیا ہے۔ا متیاز جلیل نے چیلنج کیا کہ آنے والے انتخابات میں ہماری طاقت کا مظاہرہ کریں گے اور دکھادیا جائے گا کہ ہم کتنی طاقت رکھتے ہیں۔جم غفیر سے خطاب کے دوران امتیاز جلیل نے کہا کہ پرکاش امبیڈکر اویسی کے ایک ساتھ آجانے سے یقینا ریاست کی سیاست تبدیلی آئے گی اور اس اتحاد نے بڑوں بڑوں کی نیند اڑادی ہے۔ اور اب تو پونہ کے اس جلسہ کے بعد یہ نیند کا تصور بھی نہیں کرسکتے۔ ونچت اگھاڑی نے نعرہ بلند کیا ہے کہ اب کی بار امبیڈکر سرکار۔پونہ کا یہ جلسہ ۶ گھنٹوں تک چلتا رہا اور لوگ خاموشی سے تقاریر سنتے رہے ۔حاضرین کی تعریف کرتے ہوئے امتیاز جلیل نے کہا کہ گھنٹوں تک بیٹھ کر تقاریر کا سننا معمولی بات نہیں ہے قابل تعریف ہے وہ لوگ جو ونچت اگھاڑی کے جلسہ میں شرکت کی اور اسے کامیاب بنایا۔سوشل میڈیا پر بھی پونہ میں منعقدہ اس جلسہ کو کافی جگہ دی جارہی ہے۔ جس کے باعث دلتوں اور مسلمانوں کو بینڈ ماسٹر سمجھنے والے کانگریس اور راشٹروادی والوں کو یقینا اب ان کے پیچھے دوڑنا ہوگا۔کیونکہ یہ بات پونہ میں منعقدہ جلسہ نے ثابت کردی ہے۔ آخر میں انہو ںنے کہا کہ اب ناگپور اور اس کے بعد ونچت اگھاڑی کااختتامی جلسہ ممبئی میں منعقد کیا جائے گا اور انہو ںنے امید ظاہر کی کہ اس جلسہ میں بھی لاکھوں کی تعداد میں دلت اور مسلم شرکت کریںگے۔