مقبول میسجنگ ایپ واٹس ایپ نے اپنے مخصوص صارفین کو ایک زبردست سہولت فراہم کردی ہے۔

واٹس ایپ کی سرگرمیوں پر نظر رکھنے والی ویب سائٹ ویب بیٹا انفو کی ایک رپورٹ کے مطابق کپمنی نے ایک نیا تجربہ کیا ہے جس میں صارفین واٹس ایپ کی مدد سے 2GB سائز تک کی فائلز دوسرے صارف کو بھیج سکتے ہیں۔تاہم حکام کا کہنا ہے کہ یہ نیا فیچر فی الحال صرف ارجنٹائن کے کچھ بیٹا صارفین کیلئے میسر ہے۔
ویب بیٹا انفو کے مطابق ابھی اس حوالے سے کچھ نہیں کہا جاسکتا کہ واٹس ایپ مستقبل میں اسی فیچر کو مزید صارفین کیلئے متعارف کروائے گا۔یاد رہے کہ فی الحال واٹس ایپ پر صارفین کیلئے 100MB سے بڑی فائلز کو شیئر کرنا ممکن نہیں ہے۔