نوئیڈا ٹوئن ٹاورز انہدام LIVE: دھماکے کے ساتھ منہدم کی گئی قطب مینار سے بھی اونچی عمارت، دھول کے غبار میں ڈوبا شہر : ویڈیو دیکھیں

5,518

دھماکے کے ساتھ منہدم کی گئی عمارت، دھول کے غبار میں ڈوبا شہر

نوئیڈا کے سیکٹر 93اے میں واقع سپرٹیک ٹوئن ٹاورز کو منہدم کر دیا گیا ہے۔ عمارت کو 3700 کلو گرام دھماکہ خیز مواد استعمال کرتے ہوئے گرایا گیا۔ قطب مینار سے بھی اونچے ٹوئن ٹاورز اب ملبے میں تبدیل ہو گئی ہے۔ ٹوئن ٹاورز کے گرنے کے بعد دھول کا زبردست بادل اٹھ گیا۔ بتایا جا رہا ہے کہ تقریباً دو گھنٹے تک گرد و غبار کا بادل ہوا میں رہے گا۔ آس پاس کے لوگوں کو ہٹا دیا گیا ہے۔ ہیلتھ ایمرجنسی کے پیش نظر تین ہسپتالوں کو بھی الرٹ رکھا گیا ہے۔

This slideshow requires JavaScript.

28 Aug 2022, 2:20 PM

دھماکہ کے سائرن سے گونجا علاقہ، کچھ دیر میں زمیندوز ہوں گے ٹوئن ٹاورز

نوئیڈا کے سپر ٹیک ٹوئن ٹاورز کو زمیندوز کرنے کی الٹی گنتی شروع ہو گئی ہے۔ عین 2 بج کر 30 منٹ سپریم کورٹ کے حکم پر عمل کرتے ہوئے ’بدعنوانی کی علامت‘ کو منہدم کر دیا جائے گا۔ ٹوئن ٹاورز کو مہندم کرنے کے لئے دھماکہ کئے جانے سے قبل علاقہ میں سائرن بجا دیا گیا ہے۔

28 Aug 2022, 1:24 PM

تمام تیاریاں مکمل، ہم الٹی گنتی شروع کر رہے ہیں، پولیس کمشنر نوئیڈا

نوئیڈا کے پولیس کمشنر آلوک کمار نے کہا کہ سپرٹیک ٹوئن ٹاورز کے انہدام کے حوالہ سے تمام تیاریاں مکمل کر لی گئی ہیں اور انہدام کے لئے الٹی گنتی شروع کی جا رہی ہے۔

28 Aug 2022, 12:21 PM

ٹوئن ٹاورز کے خلاف عرضی دائر کرنے والے یو بی ایس تیوتیا کا اظہار مسرت

ٹوئن ٹاور انہدام سے عین قبل اس معاملہ میں سپریم کورٹ میں عرضی داخل کرنے والے یو بی ایس تیوتیا نے اطمینان کا اظہار کیا ہے۔ انہوں نے کہا ’’ہم نے 2012 میں ہائی کورٹ میں عرضی داخل کی تھی۔ ہمیں خوشی ہے کہ ہم نے 10 سال کی اس جنگ کو جیت لیا۔ انہدام کے طویل المدتی فوائد 3 مہینے بعد نظر آئیں گے۔‘‘

28 Aug 2022, 11:17 AM

انہدام سے قبل متعدد سڑکیں بند

ٹوئن ٹاورز انہدام کے دوران حفاظت سے متعلق ذمہ داریاں نوئیڈا پولیس اور ٹریفک اہلکاروں کے ہاتھوں میں رہیں گی۔ جس کے تحٹ ٹوئن ٹاورز کے آس پاس کی سڑکوں کو بند کر دیا گیا ہے۔ ساتھ ہی پولیس نے روٹ تبدیل کرنے کے لئے بیریکیڈنگ کر دی ہے۔

28 Aug 2022, 10:39 AM

نوئیڈا ٹوئن ٹاورز انہدام سے قبل رہائشی عمارتوں کو خالی کرایا گیا

نوئیڈا میں سپر ٹیک ٹوئن ٹاورز کو منہدم کرنے سے قبل 40 ٹاورز سمیت نزدیک واقع دو رہائشی سوسائٹیوں کو پوری طرح خالی کرا لیا گیا ہے۔ جڑواں ٹاوروں کو آج دوپہر ڈھائی بجے منہدم کر دیا جائے گا۔ علاقہ میں 560 پولیس اہلکار، ریزرو فورسز کے 100 افراد، فوری کارروائی کرنے والی 4 ٹیمیں اور این ڈی آر ایف کی ٹیم تعینات کی گئی ہے۔