ناندیڑ: پولس انسپکٹر کی گوداوری ندی میں چھلانگ لگاکر خودکشی کی کوشش

ناندیڑ:5 ۔جنوری (ورق تاز ہ نیوز)ناندیڑ میں پولیس ہیڈکوارٹر میں کام کرنے والے انسپکٹرسیش راو راٹھوڑ نے جمعرات 5 جنوری کو دوپہر تقریباً ایک بجے گوداوری ندی پر واقع گووردھن گھاٹ پل سے چھلانگ لگا کر خودکشی کی کوشش کی۔ خوش قسمتی سے ایک سابق فوجی کی بروقت توجہ کی وجہ سے انسپکٹر کی جان بچ گئی اور سرکاری ہسپتال میں زیر علاج ہے۔

ضلعی پولیس فورس میں کام کرنے والے اور فی الحال پولیس ہیڈ کوارٹر میں تعینات انسپکٹر شیش ر او راٹھوڈ گزشتہ کچھ دنوں سے علیل تھے۔ وہ کسی طرح بیماری سے صحت یاب ہوئے، لیکن اس نے جمعرات کی دوپہر ایک بجے کے قریب دریائے گوداوری کے گووردھن گھاٹ پل سے چھلانگ لگا کر خودکشی کرنے کی کوشش کی۔ دلچسپ بات یہ ہے کہ انہیں زیادہ چوٹ نہیں آئی کیونکہ وہ 50 فٹ کی اونچائی سے ندی کے پانی میں گرے تھے۔

لیکن اس بار اسی علاقے میں ایک نوجوان جو سابق فوجی تھا، انکی جان بچائی اور فوراً سرکاری اسپتال وشنو پوری میں داخل کرایا۔

وزیرآباد پولیس انسپکٹر جگدیش بھنڈاروار، ڈیوٹی آفیسر شری مورے اور پولیس سپرنٹنڈنٹ کو جیسے ہی اس معاملے کی اطلاع ملی، وہ موقع پر پہنچ گئے۔ انسپکٹرراٹھوڑ اس وقت وشنو پوری کے سرکاری اسپتال میں زیر علاج ہیں۔

تاہم پولیس کا کہنا ہے کہ اس نے پل سے چھلانگ کیوں لگائی اس کی اصل وجہ اس کے ہوش میں آنے کے بعد ہی معلوم ہوسکے گی۔