ناندیڑ:17 /مئی۔ ( ورقِ تازہ نیوز) ایک 38 سالہ شخص کو کالیشور مندر کے پیچھے گوداوری ندی میں کسی نامعلوم وجہ سے ہاتھ پاو¿ں باندھ کر پھینک دیا گیا۔ متوفی کے والد کی جانب سے درج کرائی گئی شکایت کے بعد گوداوری ندی میں لاش ملنے کے بعد قتل اور شواہد کو تباہ کرنے کے عنوانات کے تحت مقدمہ درج کیا گیا ہے۔
16 مئی کی دوپہر کو کالیشور مندر کے پیچھے گوداوری ندی کے کنارے سے ایک 38 سالہ شخص کی لاش ملی تھی۔ اس شخص کے کپڑے اتار دیے گئے۔ اس کے دونوں ہاتھ اور دونوں پاو¿ں ایک ہی سفید دستانے سے بندھے ہوئے تھے اور اسے قتل کرنے کی نیت سے کالیشور مندر کے عقب میں واقع گوداوری ندی میں پھینک کر ثبوتوں کو مٹا دیا گیا۔ متوفی کی شناخت 38 سالہ شخص انیل بھگوان واگھمارے رہائشی میرا نگر ‘واگھالہ تعلقہ ناندیڑ کے طور پر ہوئی ہے
اس کے والد بھگوان بلیرام واگھمارے کی درج کرائی گئی شکایت کے بعد ناندیڑ دیہی پولیس نے اس معاملے میں تعزیرات ہند کی دفعہ 302 اور 201 کے تحت مقدمہ نمبر 339/2023 درج کیا اور اسسٹنٹ پولیس انسپکٹر سریش تھوراٹ مزید تفتیش کر رہے ہیں۔
جب انل واگھمارے کی لاش ملی تو سپرنٹنڈنٹ آف پولیس سری کرشنا کوکاٹے نے بھی جائے وقوعہ کا دورہ کیااور اپنے افسران کو مزید کام کرنے کی ہدایت دی۔