ناندیڑ:وی ایچ پی بجرنگ دل کارکنان کی پولس نے نصف برہنہ کرکے پٹائی کی،پولس افسر کے خلاف کاروائی
ناندیڑ: 12 فروری ۔ (ورقِ تازہ نیوز)مہاراشٹر کے ناندیڑ ضلع میں پولیس کی زیادتیوں کا ایک سنسنی خیز ویڈیو منظر عام پر آیا ہے۔ویڈیو میں کنوٹ تعلقہ کے اسلا پور پولیس کے اے پی آئی رگھوناتھ شیوالے چار نوجوانوں کو نصف برہنہ کرکے پٹے سے پیٹتے ہوئے نظر آ رہے ہیں۔
وی ایچ پی کے مطابق، متاثرہ نوجوان بجرنگ دل اور وشو ہندو پریشد کے کارکن ہیں اور ان کا قصور یہ تھا کہ یکم فروری کو انہوں نے علاقے میں مویشی لے جانے والے ایک ٹرک کو پکڑا۔ مار پیٹ کی ویڈیو منظر عام پر آنے کے بعد وشو ہندو پریشد کے عہدیدار کرن بیچوار کواسلا پور کے اسسٹنٹ پولیس انسپکٹر رگھوناتھ شیوالے کے خلاف وزیر داخلہ، سپرنٹنڈنٹ آف پولیس، ڈائرکٹر جنرل آف پولس کو شکایت لکھی ہے۔کرن وچیوار کے مطابق یکم فروری کو کنوٹ تحصیل میں شیونی کے گورکشک کونے نے مذبحہ خانے جارہی گائیوں کی گاڑی کو روکا تھا۔ بعد ازاں گاڑی میں سوار تین افراد کو چھوڑ دیا گیا تھا ۔
पोलीस स्टेशन इस्लापूर येथील कथीत प्रकरणीत झालेल्या व्हिडिओ प्रकरणी चौकशी पूर्ण होईपर्यंत स.पो.नि. शेवाळे यांना पोलीस नियंत्रण कक्ष नांदेड येथे सलग्न करण्यात आले आहे. pic.twitter.com/JCgXUukY63
— नांदेड पोलीस – Nanded Police (@NandedPolice) February 12, 2023
اسسٹنٹ پولس انسپکٹر رگھوناتھ شیوالے نے گائے کے محافظوں کو اپنی تحویل میں لے لیا اور شیونی گاؤں کے دورے کے دوران جھگڑے کی وجہ بتاتے ہوئے عام لوگوں کے سامنے نوجوانوں کو نیم برہنہ حالت میں پیٹا۔
شکایت موصول ہونے اور ویڈیو وائرل ہونے کے باوجود معاملے میں خاموشی ہے۔ دوسری طرف، ضلع کے ایس پی سری کرشنا کوکاٹے نے فون پر این ڈی ٹی وی کو بتایا کہ شکایت ملنے کے بعد، اے پی آئی رگھوناتھ شیوالے کو تھانے سے ہٹا کر کنٹرول روم بھیج دیا گیا ہے اور معاملے کی جانچ جاری ہے۔