ناندیڑ:22 مارچ(ورق تازہ نیوز)گزشتہ روز وسرنی کے علاقے سے ملنے والی نامعلوم نوجوان کی لاش کی شناخت کر لی گئی ہے۔ تینوں قاتلوں کو ناندیڑ میں لوکل کرائم برانچ نے پکڑ لیا ہے۔گزشتہ روز شام 4 بجے نامعلوم نوجوان کی نعش زخمی حالت میں ملی۔ مقامی کرائم برانچ کے پولیس انسپکٹر دوارکاداس چکھلیکر کی ایک ٹیم نے مقتول کی شناخت گجیندر عرف بلٹا کیلاش ٹھاکر (17سال) کے طور پر کی ہے جوسانگوی کا رہنے والا تھا اور اس کے قاتل یوگیندر ٹھاکر، سریندر ٹھاکر اور نیلیش پنورکر تھے۔

گجیندر عرف بلٹا کیلاش ٹھاکر کی موت کا معاملہ تعزیرات ہند کی دفعہ 302 اور 34 کے تحت ناندیڑ دیہی پولیس اسٹیشن میں درج کیا گیا ہے۔ چارودتا اور بالاجی واگھمارے بھی گجیندر عرف بلتا ٹھاکر کے قتل کیس میں شریک ملزم ہیں۔ فی الحال یوگیندر ٹھاکر، سریندر ٹھاکر اور نیلیش پنورکر کو مقامی کرائم برانچ نے ناندیڑ دیہی پولیس کے حوالے کر دیا ہے۔ باقی دو کی تلاش جاری ہے۔اس شاندار کارکردگی پر ایس پی ناندیڑ پرمودکمار شیوالے اوردیگر اعلیٰ پولس افسران نے ایل سی بی دستہ کی تعریف کی اور مبارکباد پیش کی ہے