ناندیڑمیں6 فروری کو نامور شاعر محمود علی سحرؔ کے شعری مجموعہ ”حسرت ہی رہی “ کی تقریب رونمائی اورمحفل ِمشاعرہ

ناندیڑ:یکم/فروری۔ ( ورقِ تازہ نیوز)مراٹھواڑہ کے نامور کہنہ مشق بزرگ شاعر محمود علی سحر کے شعری مجموعہ ”حسرت ہی رہی “ کی تقریب رونمائی اور محفل مشاعرہ کی تیاریاں اعلیٰ پیمانے پر جاری ہیں ۔تقریب رونمائی پیر6 فروری 2023 ءکو شام ساڑھے چھ بجے اردوگھر دیگلورناکہ ناندیڑ میں زیرسرپرستی محمدتقی ‘مدیراعلیٰ روزنامہ ”ورق تازہ “ ناندیڑ تزک و احتشام سے منعقد ہورہی ہے۔

مجموعہ کلام کی رونمائی معروف قائد محمد مقبول سلیم سابق صدرمجلس بلدیہ ناندیڑ کے ہاتھوں عمل میں آئے گی ۔ مہمان ِخصوصی کے طور پرڈاکٹرارتکا ز افضل ممتازشاعر ونقاد اورونگ آباد ‘ نورالحسنین ممتاز فکشن نگار ‘اورنگ آباد‘ڈاکٹر محمدجیلانی موظف سول سرجن‘محمدشفیع احمدقریشی ‘صدر مجلس انتظامی مدینتہ العلوم ایجوکیشن سوسائٹی ناندیڑ‘ ایڈوکیٹ محمدعبدالرحمن صدیقی ‘ معروف شاعروصحافی خان شمیم خان اورخان مقیم خان سابق نیوزبراڈ کاسٹر آکاشوانی اورنگ آباد شرکت کررہے ہیں۔تقریب رونمائی اور مشاعرہ کے کنوینر حبیب مسعود علی لکچررنے مزیدتفصیلات بتاتے ہوئے کہا کہ مشاعرے کی نظامت ڈاکٹرسلیم محی الدین( پربھنی )کریںگے اورمہمان شعراءڈاکٹر ارتکاز افضل ( اورنگ آباد)‘خان شمیم خان (اورنگ آباد)‘ڈاکٹرمعیدجاوید (حیدرآباد) ‘مقصود اشرف (مالیگاوں)‘جمیل انصاری( برہانپور) ‘ ڈاکٹر عبدالسمیع صدیقی نعیم (حیدرآباد) ‘ شفیع احمد شفیع( پربھنی ) ‘کھٹ پٹ بھینسوی‘محمدطیب پاشاہ (ایوت محل ) ‘اپنا کلا م سنائیں گے ۔

جبکہ مقامی شعراءتمیز احمدپرواز ‘ غالب آسی ‘سہیل احمدصدیقی ‘عطا حیدرآبادی ‘التمش طالب ‘ظہیر الدین بابر ‘طاہر حسین طاہر ‘علیم اسرار اپنا شعری کلام پیش کریںگے۔الطاف احمدثانی ایڈیٹر روزنامہ ناندیڑ عالمی تحریک کی صدارت میں ایک استقبالیہ کمیٹی تشکیل دی گئی ہے جس کے ممبران میں محمد کمال الدین صدیقی ساجد‘ مولانا رشید احمد قاسمی، ڈاکٹر محمد خورشید ‘ تمیز احمد پرواز معروف شاعر ‘قاضی اطہر الدین رکن اردو اکیڈمی ناندیڑ، خورشید احمدوظیفہ یاب مدرس وماہر تاریخ‘محمد توفیق مرزا(صحافی)‘ محمد منتجب الدین ‘رکن اردو گھر و مدیر روزنامہ ناندیڑٹائمز‘ محمد صادق مدیر روزنامہ کامل یقین‘ محمد واجد انصاری‘ سہیل احمد صدیقی معروف شاعر‘ ظہیر الدین بابر معروف شاعر، مظفرالدین‘ رکن اردو گھرناندیڑ،شیخ زبیر احمد شعبہ اقلیتی سیل ناندیڑ ،محمد علی ہند کمپیوٹرز،ڈاکٹر شیخ رفیق اکمل‘ علیم اسرار معروف شاعر، محمد یوسف خان پٹیل‘ عبدالوحید انجینئر، مجیب عکاس‘ شامل ہیں۔