Waraqu E Taza Online
Nanded Urdu News Portal - ناندیڑ اردو نیوز پورٹل

ناندیڑمیں انتخابی سرگرمیاں تیز

IMG_20190630_195052.JPG

ناندیڑ:8 اکتوبر ۔(ورق تازہ نیوز) مہاراشٹراسمبلی انتخابات کے لئے پرچہ نامزدگیوں کے واپسی کی تاریخ کے بعد سے سیاسی سرگرمیاں کچھ تیز ہوگئی ہےں لیکن دسہرہ کا تہوار ہونے کی وجہہ سے اہم سیاسی جماعتیں کوئی بڑے انتخابی جلسہ منعقدکرنے کیلئے تیار نہیں تھی ۔ لیکن آج دسہرہ کاتہوار جوش و خرو ش کے ساتھ منایاگیا ہے ۔اس لئے کل 9 ستمبر سے ناندیڑ کے تمام 9اسمبلی ہائے انتخاب میں سیاسی سرگرمیاں تیز ہوجائیں گی ۔کیونکہ تشہیری مہم کےلئے اب صرف گیارہ دن ہی باقی ہے ۔ رائے دہی سے دو دن قبل امیدواروں کوانتخابی تشہیری مہم بندکرنی پڑتی ہے ۔ اس طرح اب صرف گیارہ دن ہی باقی ہے ۔

کل 9اکتوبر کوناندیڑمیں مجلس کا انتخابی جلسہ رکھاگیا ہے ۔اس کے علاوہ کانگریس ‘ شیوسینا‘بی جے پی اوردیگر چھوٹی سیاسی پارٹیوں کے امیدواروں کی تشہیری مہم کےلئے پارٹی کے قائدین بھی ناندیڑ ضلع کادورہ جلد کررہے ہیں۔ فی الحال امیدواروں نے ووٹرس سے راست ملاقات پرزیادہ زوردیا ہے

۔ ناندیڑشہرکے حلقہ شمال و حلقہ جنوب میں سیاسی سرگرمیاں بڑھ گئی ہیں ۔ناندیڑجنوب میں 38امیدواراپنی قسمت آزمارہے ہیں جبکہ شمال میں 27 امیدوارانتخابی میدان میں ہے ۔دونوں حلقوں کے اہم علاقوں وچوراہوں پر چھوٹے انتخابی جلسے اور کارنر میٹنگیں منعقد کی جارہی ہیں ۔