ناندیڑ:16/ (ورقِ تازہ نیوز) پولیس نے رات دیر گئے تک کھلی رہنے والے ہوٹلوں اور دیگر کاروباری اداروں کے خلاف کاروائی کی مہم شروع کر دی ہے ۔اس کے تحت گزشتہ شب شہر کے دیگلور ناکہ علاقے میں ایک ہوٹل کے خلاف کاروائی کرتے ہوئے اس کے خلاف جرمانہ عائد کیا ہے۔
ناندیڑ کے ایس پی کرشنا کوکاٹے کی ہدایت پر اتوارہ پولیس اسٹیشن کے ڈی واے ایس پی سدیشور بھور کی رہنمائی میں میں پی آئی گیانشور دیوکتے نے گزشتہ روز علاقے میں رات 11 بجے کے بعد بھی ہوٹل کھلی رکھنے کے معاملے میں کارروائی کی ہے۔
حیدر باغ نمبر1 سے متصل ہوٹل خان 2 کے خلاف پولیس نے ممبئی پولیس ایکٹ کے تحت کارروائی کی ہے اور جرمانہ وصول کیا ہے۔واضح رہے کے قدیم شہر کے دیگر علاقوں سے متصل علاقوں میں رات 11 بجے کے بعد بھی بیشتر ہوٹلس اور دیگر کاروباری ادارے کھلے رہتے ہیں۔