ناندیڑ:6 /مارچ۔ ( ورقِ تازہ نیوز) پولس نے ایک ایسی جگہ پر چھاپہ مارا ہے جہاں گھریلو گیس سلنڈرکے ذریعہ خانگی گاڑیوں میں گیس کوبھرا جارہاتھا اور وہاں سے 28 سلنڈر ضبط کر لیے ہیں، اشیائے ضروریہ کے قانون کے مطابق اس جگہ سے پکڑے گئے شخص کے خلاف مقدمہ درج کرنے کی کارروائی کی گئی ہے ۔
اتوارہ پولیس اسٹیشن کے پولس انسپکٹر بھگوان دھبڈگے کو اطلاع ملنے کے بعد انہوں نے اپنے ساتھی پولیس انسپکٹرز گنیش گوٹکے، رمیش گائیکواڑ، رحیم چودھری، ملازمین دسر واڑ، مانے، ملند نرباغ، دھیرج کومولوار، وائی کے کاسارا اور دیگر کو ساتھ لے کر عمر کالونی میں ٹائر بورڈ، دیگلور ناکہ کے قریب دکان کھولنے کے لیے کہا۔ اس دکان میں 28 گیس سلنڈر تھے۔ اس جگہ سے گاڑیوں میں گیس بھرنے کی مشینیں، گیس سلنڈروں کےلئے استعمال وزن کانٹے وغیرہ ضبط کیے گئے ہیں۔ پولیس نے عبدالرحیم جمعہ خان (23) نامی نوجوان کو حراست میں لیا ہے۔ عبدالرحیم کے خلاف ضروری اشیاء ایکٹ کے تحت مقدمہ درج کرنے کی کارروائی جاری ہے۔