Waraqu E Taza Online
Nanded Urdu News Portal - ناندیڑ اردو نیوز پورٹل

ناندیڑحلقہ جنوب میں ا س مرتبہ شیو سیناکیلئے راہ آسان نہیں

IMG_20190630_195052.JPG

ناندیڑ:8 اکتوبر ۔(ورق تازہ نیوز)اس مرتبہ اسمبلی انتخابات میں ایک انارسوبیمارکے مترادف ہرکوئی اسمبلی چناو کا ٹکٹ حاصل کرنے کی کوشش کررہاتھا لیکن آخر میں اسے ہی ٹکٹ دیاگیا جسے پارٹی ہائی کمان نے اپنی مرضی سے نامزد کیا ۔شیوسینااوربی جے پی میںاتحاد ہونے سے دونوں پارٹیوں کے خواہشمندوں اور ایم ایل اے بننے کا خواب دیکھنے والوں کے ارمانوں پر پانی پھرگیا۔

اسلئے ناندیڑ حلقہ جنوب میں سینااوربی جے پی کے سینئر لیڈران اپنی حلیف جماعت کے شیوسینا کی نامزد امیدوارراج شری ہیمنت پاٹل کے خلاف بی جے پی کے شہر صدردلیپ کندکرتے اورسینا کے سابقہ ضلع چیف پرکاش کوڈگے بھی میدان میںاترے ہیں ۔ ان دونوں نے اپنے پرچہ نامزدگیاں واپس نہیں لی ہیں ۔ اسلئے حلقہ جنوب میں زبردست سیاسی مقابلہ ہونے کی توقع ہے ۔

اس وجہ سے شیوسیناامیدوارکی دوبارہ کامیابی کی راہ آسان دکھائی نہیں دیتی ہے ۔ضلع کے دیگر حلقوں میں باغی امیدواروں نے اپنے پرچہ نامزدگیاں واپس لے لی ہیں لیکن حلقہ جنوب میں بی جے پی کے دلیپ کندکرتے اور سیناکے پرکاش کوڈگے میدان میں ہے ۔