دیگلور:8/اپریل۔ (ورقِ تازہ نیوز)طلباء کو اسکول لے جانے والی وین حادثے کا شکار ہوگئی۔ اس حادثے میں اسکول کے 4 طلباء زخمی ہوئے ہیں۔ خوش قسمتی سے حادثے میں کوئی جانی نقصان نہیں ہوا۔ زخمی طلباء کو فوری طور پر اسپتال میں داخل کرایا گیا اور ان کا علاج جاری ہے۔
موصولہ مزید معلومات کے مطابق، ناندیڑ ضلع کے دیگلور تعلقہ کے خانپور میں آج اسکولی بچوں کو لے جانے والی ایک وین سڑک پر الٹ گئی۔
اس حادثے میں چار طالب علم زخمی ہو گئے۔حادثہ کے بعد زخمیوں کو ہسپتال پہنچایا گیا، کسی کو کوئی پریشانی نہیں ہوئی۔
یہ وین ایک نجی انگلش اسکول کے طلباء کو لے جا رہی تھی۔ حادثہ ہوتے ہی عینی شاہدین نے فوری مدد کی اور زخمی طلباء کو ہسپتال منتقل کیا۔