https://youtu.be/uRxl4DFn6d4

Maharashtra Me Monday Se Shuru Hogi Unlock Ki Prakriya, CM Uddhav Thackeray Ne Jaari Ki Guideline

Maharashtra K Liye Achi Khabar Hai, Sarkar Ne Lockdown K Dauran Lagi Pabandiyo Me Rahat Dene Ka Ailan Kiya Hai, Yeh Rahat Monday Se Laagu Hogi

Iske Tehat Sabhi Districts Me Corona Positivity Rate Aur Oxygen Bed Ki Availability K Hisaab Se Dheel Di Jaayegi

Aadesh K Mutabik Cities Aur Districts Ko 5 Alag-Alag Level Me Rakha Gaya Hai, First Level Me Jinn Districts Ko Unlock Kiya Jaayega Unme Ahmednagar, Bhandara, Buldana, Chandrapur, Dhule, Gondia, Jalgaon, Jalna, Latur, Nanded, Thane Aur Vardha Hai

Mumbai Ko Bhi Alag-Alag Areas K Hisaab Se Alag-Alag Level Me Rakha Jaayega

Level 1 : Jaha Positivity Rate 5% Se Kam Hai Aur Oxygen Bed 25% Se Kam Bhare Hai

Level 2 : Yaha Aise Districts Ko Rakha Jaayega Jaha Positivity Rate 5% Aur Oxygen Bed 25% Se 40% Tak Bhare Hai

Level 3 : Woh Districts Jaha Positivity Rate 5% Se 10% Tak Aur Oxygen Bed 40% Se Jyada Bhare Hai

Level 4 : Iss Category Me Unn Districts Ko Rakha Jaayega, Jaha Positivity Rate 10% Se 20% Tak Aur Oxygen Bed 60% Tak Bhare Hai

Level 5 : Aise Districts Jaha Positivity Rate 20% Se Jyada Aur 75% Se Jyada Oxygen Bed Bhare Hai

Kis Level Me Kya Khulege

Level 1 Me Mall, Multiplex , Theaters, Restaurants Shuru Kiye Jaayege, Local Seva K Liye Local Prashasan Ya Disaster Management Department Tay Karega, Public Ground Khulege, Walking Cycling Ko Permission, 100% Capacity Se Government Offices Khulege, Sports, Shooting, Social Cultural Programs Ko Permission Rahegi, Shadi Function, Gym, Saloon, Spa-Beauty Parlour Ko Permission Hogi, Public Transport Shuru Hoge

Level 2 Me Sabhi Shops Khulni Shuru Hogi Mall, Theaters, Restaurants Multiplex 50% Capacity K Saath Khulege, Local Train Ki Seva Sirf Essential Services Se Jude Logo K Liye Hogi, Government Office 100% Capacity Se Khulege, Public Ground Khulege, Walking Aur Cycling Ki Permission Rahegi, Sports K Liye Subah 5 Se 9 Aur Shaam 5 Se Raat 9 Baje Tak Permission Rahegi, Shooting K Liye Permission, Shadi Function K Liye Hall Ki Capacity Se 50% Ya 100 Logo Ko Permission Rahegi, Gym, Saloon, Spa-Beauty Parlour 50% Se, Public Transportation 100% Bandi Laagu Rahegi

Level 3 : Me Zarurat Se Jude Shops 4 Baje Tak Khuli Rahegi, Baaki Shops Monday Se Friday 4 Baje Tak Khuli Rahegi Ye Shops Saturday-Sunday Band Rahegi

Level 4 : Me Zaruri Sevao Se Jude Shops 4 Baje Tak Khuli Rahegi

Level 5 : Me Zaruri Sevao Se Judi Shops Monday Se Friday Shaam 4 Baje Tak Khuli Rahegi, Weekend Par Medical K Alawa Baaki Shops Band Rahegi

Kuch Reports Me Kaha Jaa Raha Hai Ki Mumbai Ko Level 2 Aur 3 K Bich Rakha Jaa Sakhta Hai, Halaki Iss Baare Me Filhal Koi Jaankari Public Nahi Ki Gayi hai