نئی دہلی: 22/اپریل ۔ملک میں کورونا کی تعداد ایک بار پھر بڑھنے لگی ہے۔ کورونا کے مریضوں کی تعداد میں مسلسل اضافہ دیکھا جا رہا ہے۔ ملک کی راجدھانی دہلی میں کورونا کا پھیلاؤ بڑھتا ہوا دیکھا جا رہا ہے۔ مرکزی وزیر دفاع راج ناتھ سنگھ حال ہی میں کورونا سے متاثر ہوئے ہیں۔
اس کے بعد آج ایک اور بڑی خبر سامنے آئی ہے۔ ملک کی سب سے اہم مانی جانے والی سپریم کورٹ میں کورونا داخل ہوگیا ہے۔
کورونا ایک بار پھر سپریم کورٹ میں داخل ہوگیا۔ سپریم کورٹ کے 4 ججز کورونا کا شکار ہو گئے۔ ذرائع کے مطابق جسٹس انیرودھ بوس، ایس رویندر بھٹ، جے بی پارڈی والا اور منوج مشرا کورونا سے متاثر ہوئے ہیں۔ جس سے ایک ہلچل مچ گئی ہے۔
سپریم کورٹ میں کورونا کی انٹری کے باعث انتظامیہ الرٹ ہوگئی۔ سپریم کورٹ میں وکلاء، فریقین اور شہریوں کے لیے ماسک لازمی قرار دے دیا گیا ہے۔