مودی کی ریلی سے واپس لوٹ رہے کارکنوں کی بس پلٹی، 28 زخمی

5

بہرائچ، 30 اپریل (ایجنسیز) اترپردیش کے بہرائچ ضلع میں منگل کو وزیر اعظم نریندر مودی کی ریلی میں شامل ہوکر واپس لوٹ رہے کارکنوں اور حامیوں سے بھری بس بیگم پورکے قریب ڈیوائڈر سے ٹکراکر پلٹ گئی۔

اس حادثے میں بس پر سوار 28 افراد زخمی ہو گئے، جس میں دو کی حالت نازک بتائی جا رہی ہے۔موقع پر پہنچی پولیس نے لوگوں کی مدد سے تمام زخمیوں کو ضلع اسپتال میں داخل کرایا ۔
پولیس ذرائع کے مطابق مسٹر مودی کی انتخابی ریلی کا انعقاد رام گاوں علاقے میں وشوريا گاؤں کے میدان پر کیا گیا تھا۔

بس میں تقریبا 55 افراد سوار تھے۔ریلی کے مقام سے بس محض دو کلومیٹر چلی تھی کہ ڈرائیور اپنا کنٹرول کھو بیٹھا۔ بس بے قابو ہوکر بیگم پور بازار کے قریب ڈیوائیڈر سے ٹکراکر پلٹ گئی۔