ممبئی میں کری روڈ واقع 60 منزلہ اپارٹمنٹ میں جمعہ کو آگ لگ گئی، بلڈنگ لال باغ علاقے میں واقع ہے، اس حادثے میں ایک شخص کی موت ہو گئی ہے، آگ 60 منزلہ اوِگھن پارک بلڈنگ کی 19ویں منزل پر لگی ہے۔ دور سے ہی دھوئیں کا غبار دیکھا جا سکتا ہے۔ راحت اور بچاؤ ٹیم جائے حادثہ پر پہنچ گئے ہیں۔ دمکل کی 14 گاڑیاں موقع پر ہیں۔ واقعہ کی ویڈیو سوشل میڈیا پر وائرل ہو رہی ہیں، جس میں بلڈنگ کی 19ویں منزل پر آگ کی لپٹیں دیکھی جا سکتی ہیں۔ وہیں ایک شخص کی عمارت سے نیچے گرنے کی ویڈیو بھی سامنے آئی ہے۔ ویڈیو میں دکھائی پڑ رہا ہے کہ ایک شخص بالکنی سے لٹکا ہوا ہے، تھوڑی ہی دیر میں وہ نیچے گر جاتا ہے۔ بتایا جا رہا ہے کہ اس شخص کی موت ہو گئی ہے۔ مہلوک کا نام ارون تیواری ہے اور اس کی عمر 30 سال بتائی جا رہی ہے۔

View this post on Instagram

A post shared by Viral Bhayani (@viralbhayani)

جائے حادثہ پر ممبئی کی میئر کشوری پیڈنیکر بھی پہنچ چکی ہیں۔ دمکل محکمہ کے افسر بھی جائے حادثہ پر پہنچے ہیں۔ میئر کشوری پیڈنیکر نے بتایا کہ آگ کی خبر لگتے ہی دمکل محکمہ کی ٹیم پہنچ گئی

آگ کیسے لگی، اس کا پتہ نہیں چل سکا ہے۔ مقامی باشندوں نے کہا کہ آگ لگنے کے اسباب کی جانچ کی جا رہی ہے، جسے فی الحال شارٹ سرکٹ کا نتیجہ تصور کیا جا رہا ہے اور عمارت میں آگ سے حفاظت کے سبھی طریقے اختیار کیے گئے ہیں۔ کم از کم 15 دمکل گاڑیاں موقع پر پہنچیں اور آگ کی لپٹوں کو اونچی منزلوں تک پھیلنے سے روکنے کی کوشش کی، جب کہ ممبئی کی میئر کشوری پیڈنیکر نے جا کر بچاؤ کام کا جائزہ لیا۔ کئی سینئر شہریوں اور بچوں سمیت بیشتر باشندے باہر نکلنے میں کامیاب رہے۔

ورق تازہ نیوز اب ٹیلی گرام پر بھی دستیاب ہے۔ ہمارے چینل کو جوائن کرنے کے لئے یہاں کلک کریں  https://t.me/waraquetazaonlineاور تازہ ترین خبروں سے اپ ڈیٹ رہیں۔