ملک میں کورونا مریضوں کی تعداد میں ریکارڈ اضافہ

0 2

نئی دہلی: ہندوستان میں ہر دن کے ساتھ کورونا کا بحران شدید ہوتا جا رہا ہے۔ کورونا کی دوسری لہر میں تباہکاری برداشت کرنے والے ملک میں ایک بار جہاں یومیہ کیسز کی تعداد کم ہو کر 5 ہزار کے قریب رہ گئی تھی، وہیں اب ایک دن میں کورونا کے 1.5 لاکھ مریضوں کی تصدیق کی گئی ہے۔

مرکزی وزارت صحت کے مطابق گزشتہ 24 گھنٹوں میں کورونا کے 159632 نئے کیسز رپورٹ ہوئے ہیں، اس دوران 40863 مریض شفایاب ہو گئے جبکہ 327 افراد کی جان چلی گئی۔

کورونا کے یومیہ کیسز کے ساتھ ہی کورونا کے فعال معاملوں میں بھی اضافہ ہوا ہے، فی الحال ملک بھر میں 590611 کیسز فعال ہیں۔ مجموعی طور پر 34453603 افراد مکمل طور پر شفایاب ہو چکے ہیں اور 483790 لوگوں کی موت ہو چکی ہے۔ ملک میں پازیٹوٹی کی شرح 10.21 فیصد پر برقرار ہے۔ وہیں، ٹیکہ کاری مہم کے تحت پہلی اور دوسری خوراک کو ملا کر گزشتہ 24 گھنٹوں میں 151.58 کروڑ کوورونا ویکسین کی خوراکیں لگائی گئی ہیں۔