قاہرہ: موٹر سائیکل پر سفر کا جنون اور عمرے کی ادائیگی کے جذبہ ایمانی کیساتھ مصری جوڑا 1200 کلومیٹر کا طویل سفر کر کے حجاز مقدس پہنچ گیا۔عرب میڈیا کے مطابق مصر کے شہر طنطا سے تعلق رکھنے والے میاں بیوی عمرہ کی ادائیگی کیلئے موٹر سائیکل پر مکہ مکرمہ پہنچے۔مصری شہری عمر ابو داؤد کے مطابق انہیں بچپن سے ہی موٹر سائیکلوں سے عشق تھا اور بعدازاں موٹر سائیکلوں کے شوقین افراد کی ویڈیوز دیکھنے کے بعد موٹر سائیکل خریدنے کا فیصلہ کیا۔عمر ابو داؤد نے سعودی عرب پہنچنے کیلئے 1200 کلو میٹر کا فاصلہ موٹر سائیکل پر طے کیا اور تقریباً 48 گھنٹوں کے اس طویل ترین سفر میں ان کی اہلیہ اسماء الجنزوری بھی ان کیساتھ تھیں۔مصری جوڑے کا کہنا ہیکہ مصر اور سعودی عرب کے درمیان زمینی راستہ نہ ہونے کی وجہ سے انہیں کشتی میں بھی سوار ہونا پڑا۔

ورق تازہ نیوز اب ٹیلی گرام پر بھی دستیاب ہے۔ ہمارے چینل کو جوائن کرنے کے لئے یہاں کلک کریں  https://t.me/waraquetazaonlineاور تازہ ترین خبروں سے اپ ڈیٹ رہیں۔ 


اپنی رائے یہاں لکھیں