منگل کو پارلیمنٹ میں کانگریس پارٹی کے دو اراکین پارلیمنٹ نے سرکاری شعبے کے بینکوں کی دو روزہ ہڑتال اور لائف انشورنس کارپوریشن (ایل آئی سی) کی مبینہ نجکاری سے متعلق معاملہ اٹھایا۔ راجیہ سبھا میں قائد حزب اختلاف ملیکارجن کھڑگے نے کہا کہ آج تقریبا 13 لاکھ بینک ملازم ہڑتال پر ہیں ، جنرل انشورنس کمپنی کے ملازم 17 تاریخ کو ہڑتال کرینگے۔ 18 مارچ کو ایل آئی سی ملازمین ہڑتال کرنے والے ہیں۔ انہوں نے کہا کہ حکومت ہند لاکھوں بینک ملازمین کے خدشات کو دور کرنے اور ان سے بات کرنے کے لئے تیار نہیں ہے۔انہوں نے کہا کہ ہم مطالبہ کرتے ہیں کہ وزیر خزانہ نرملا سیتارامن 13 بینک ملازمین کے ذریعہ اٹھائے گئے سوالات اور خدشات پر پارلیمنٹ میں حکومت کے مؤقف کو واضح کریں۔


اپنی رائے یہاں لکھیں