نئی دہلی: دہلی پولیس کی اسپیشل سیل کی ٹیم نے یوم جمہوریہ کے موقع پر ٹریکٹر ریلی کے دوران لال قلعہ پر جھنڈا لہرانے کے کلیدی ملزم دیپ سدھو کو گرفتار کیا۔ خصوصی سیل کے ایک سینئر افسر نے منگل کو بتایا کہ ساؤتھ ویسٹ رینج کی ٹیم ملزم دیپ سدھو کو گرفتار کرنے میں کامیاب ہوگئی ہے ، جو 26 جنوری سے مفرور تھا۔ دہلی پولس نے دیپ سدھو کی گرفتاری پر ایک لاکھ روپے انعام کا اعلان بھی کیا تھا۔26 جنوری کو دارالحکومت میں کسانوں کی ٹریکٹر ریلی کے دوران تشدد کے واقعے اور لال قلعے پر جھنڈے لہرانے کے پیچھے پنجابی اداکار دیپ سدھو کا نام سامنے آیا تھا۔


اپنی رائے یہاں لکھیں