• 425
    Shares

اسلام آباد، 31 اگست (یو این آئی) افغانستان پر طالبان کے مکمل کنٹرول کے بعد یہ پہلی بار ہوا ہے کہ اقوام متحدہ کا اسلام آباد سے جانے والا خصوصی طیارہ مزارشریف ائیر پورٹ پر اترے بغیر واپس آگیا۔
ایوی ایشن ذرائع کے مطابق خصوصی پرواز یو این او 356 ایچ منگل کی دوپہر ٹھیک 12 بجے اسلام آباد انٹرنیشنل ائیرپورٹ سے افغانستان کے لیے روانہ ہوئی۔

ذرائع کے مطابق زیڈ ایس ایف اے این (ZS-FAN) رجسٹریشن کا یہ خصوصی طیارہ دوپہر 1:30 بجے افغانستان کے مزار شریف انٹرنیشنل ائیرپورٹ پہنچا۔ذرائع نے بتایا ہے کہ طیارے نے مزار شریف ائیرپورٹ پر لینڈنگ نہیں کی بلکہ 22 ہزار فٹ کی بلندی سے ائیرپورٹ کے اوپر چکر کاٹ کر واپسی کا روٹ لے لیا اور یو این او کی یہ خصوصی پرواز روانگی کے 3 گھنٹے بعد واپس اسلام آباد میں لینڈ کرگئی۔اقوام متحدہ کے کئی خصوصی طیارے اسلام آباد سے افغانستان کے کابل اور مزار شریف ائیرپورٹس کے لیے آپریٹ کر چکے ہیں۔

ورق تازہ نیوز اب ٹیلی گرام پر بھی دستیاب ہے۔ ہمارے چینل کو جوائن کرنے کے لئے یہاں کلک کریں  https://t.me/waraquetazaonlineاور تازہ ترین خبروں سے اپ ڈیٹ رہیں۔