مسلم متحدہ محاذ ضلع ناندیڑ کی جانب سے بتاریخ ۶؍ دسمبر ۲۰۱۸ئ ، بروزِ جمعرات ٹھیک ۳۰:۱۰ تا ۱ بجے تک شہادتِ بابری مسجد کے خلاف عظیم الشان احتجاجی جلسہ عام کا انعقاد بمقام روبر مسجد قباء ، مین روڈ ، دیگلور ناکہ ، ناندیڑ کیا گیا ہے۔ واضح رہے کہ اِس سے قبل مسلم متحدہ محاذ کی جانب سے کلکٹر آفس کے روبرو دھرنے کا اعلان کیا گیا تھا۔ لیکن کچھ ناگزیر وجوہات کی بناء پر آپسی رائے مشورے کے بعد اِس احتجاجی دھرنے کو احتجاجی جلسہ میں تبدیل کیا گیا ہے۔ تاکہ شہادتِ بابری مسجد سے ہماری جو ایمانی و دینی لگائو ہے اُس کا اِظہار ہوتا رہے۔ اور ہم ہماری آنے والی نسلوں کو بھی یہ پیغام دینا چاہتے ہیں کہ بابری مسجد جبراً ہم سے چھینی گئی ہے۔ بہرحال اِس کی حصول یابی کی ذمہ داری ہم پر لازم ہے۔ اور ہم مسجد کو کسی صورت بھی بت کدے میں تبدیل ہونے نہیں دیں گے۔ لہذا اِس جلسہ میں امت مسلمہ کی مختلف دینی ، سماجی تنظیموں کے ذمہ داران نے عوام الناس سے کثیر تعداد میں شرکت کی اپیل کی ہے۔