نئی دہلی: دہلی ہائی کورٹ میں داخل ایک درخواست میں ریزرو بینک آف انڈیا (آر بی آئی) اور اسٹیٹ بینک آف انڈیا(ایس بی آئی) کے اعلامیوں کو چیلنج کیا گیا ہے۔ان 2 بینکوں نے 2 ہزار روپے کے نوٹ کسی شناختی ثبوت کے بغیر تبدیل کرانے کی اجازت دی ہے۔
مفادِ عامہ کی درخواست میں کہا گیا کہ 19 اور 20مئی کو شائع اعلامیے دستور کی دفعہ 14 کے مغائر ہیں۔درخواست میں عدالت سے آر بی آئی اور ایس بی آئی کو یہ ہدایت دینے کی گزارش کی گئی کہ 2ہزار روپے کے نوٹ صرف متعلقہ بینک کھاتوں میں جمع ہوں تاکہ کالا دھن اور غیرمتناسب اثاثے رکھنے والوں کی شناخت ہو۔