شام میں زلزلےسے تباہ عمارت کے ملبے سے شیرخوار کو زندہ بچا لیا گیا : ویڈیو دیکھیں
شام کے شمال مغربی حصے میں آنے والے پرتشدد زلزلے کے بعد "سیرین سول ڈیفنس” کے عملے نے سوموار کی صبح حلب کے شمال میں واقع عفرین دیہی علاقوں میں جیندریس قصبے میں تباہ شدہ مکان کے ملبے کے نیچے سے ایک بچے اور ایک خاندان کو زندہ نکالا۔
سول ڈیفنس نے ایک ویڈیو کلپ شائع کیا ہے جس میں سول ڈیفنس کے اہلکار روتے ہوئے شیر خوار بچے کو نکالنے کی کوشش کرتے ہوئے دیکھے جا سکتےہیں۔ اس کے علاوہ اسی خاندان کے دیگر افراد بھی ملبے تلے دبے تھے۔
یہ واقعہ اس وقت سامنے آیا جب وائٹ ہیلمٹ ریسکیو ٹیم نے کہا کہ حزب اختلاف کے زیر قبضہ شمال مغربی شام میں کم از کم 900 افراد ہلاک اور 2300 زخمی ہوئے ہیں اور ان کی تعداد میں "نمایاں” اضافے کی توقع ہے۔
إنقاذ رضيع وعائلة على قيد الحياة من تحت أنقاض منزلهم المدمر في بلدة #جنديرس بريف #عفرين شمالي #حلب، فجر الأمس الاثنين 6 شباط، بعد الزلزال العنيف الذي ضرب مناطق شمال غربي #سوريا.#الخوذ_البيضاء #زلزال_سوريا #سوريا pic.twitter.com/MO9QEsbbpQ
— الدفاع المدني السوري (@SyriaCivilDefe) February 7, 2023
شدید زلزلہ
پڑوسی ممالک ترکیہ اور شام میں پیر کی صبح 7.8 شدت کا زلزلہ آیا جس سے ہزاروں عمارتیں تباہ ہو گئیں، جن میں کئی رہائشی عمارتیں اور ہسپتال بھی شامل ہیں اور ہزاروں زخمی اور بے گھر ہو گئے۔
ورلڈ ہیلتھ آرگنائزیشن نے کہا کہ اسے خدشہ ہے کہ زلزلے سے ہونے والی ہلاکتوں کی تعداد میں غیرمعمولی اضافہ ہوسکتا ہے۔