شادی میں ڈانس کرتے وقت ہارٹ اٹیک سے موت ۔ویڈیو وائرل

1,625

وارانسی: کچھ عرصے سے ڈانس کرتے ہوئے دل کا دورہ پڑنے سے مرنے کی خبریں لوگوں کو پریشان کر رہی تھیں کہ شہر میں ایسا ہی ایک واقعہ سامنے آیا ہے۔

شہر کے پپلانی کٹرا علاقے کا ایک ویڈیو وائرل ہو رہا ہے جس میں شادی کی تقریب کے دوران ڈانس کرتے ہوئے ایک شخص کو دل کا دورہ پڑا اور موقع پر ہی اس کی موت ہو گئی۔

واقعے کے تین دن بعد اب اس وقت بنائی گئی ویڈیو انٹرنیٹ میڈیا (سوشل میڈیا) پر وائرل ہوگئی ہے۔ جس نے بھی یہ ویڈیو دیکھی وہ دنگ رہ گیا۔ چند سیکنڈ کی اس وائرل ویڈیو میں رقص کررہے شخص کو دل کا دورہ پڑتا ہے اور اسکے ساتھ رقص کرتے ہوئے لوگ اسے بچانے کی کوشش کرتے ہوئے دیکھے گئے۔

تحقیقات کے دوران یہ بات سامنے آئی ہے کہ منوج وشوکرما (40) شادی کی تقریب میں شرکت کے لیے 25 نومبر کو پپلانی کٹرا اوگھادناتھ ٹاکیہ، تھانہ چیت گنج گئے تھے۔ جہاں شادی کی تقریب کے دوران رقص کرتے ہوئے اچانک گرنے کے بعد گھر والوں کو معلوم ہوا کہ انہیں دل کا دورہ پڑا ہے جس کے باعث ان کی موت ہوگئی۔ رشتہ داروں کے مطابق وہ اپنے بھانجے کی شادی میں ڈانس کر رہے تھے۔