سونے کی کان میں کام کرنیوالے آپس میں لڑ پڑے، 100 کے قریب مزدور ہلاک

افریقی ملک چاڈ میں سونے کی کان میں کام کرنے والے مزدور آپس میں لڑ پڑے جس کے نتیجے میں تقریباً 100 افراد ہلاک ہوگئے۔

فرانسیسی خبررساں ایجنسی (اے ایف پی) کے مطابق چاڈ کے وزیر دفاع جنرل داؤد یایا برہیم نے پیر کو کہا کہ سونے کی کان میں کام کرنے والے مزدوں کے درمیان ہونے والی جھڑپوں میں تقریباً 100 کان کن ہلاک ہوگئے۔

وزیر دفاع جنرل داؤ نے اپنے بیان میں کہا کہ 23 مئی کو لیبیا کی سرحد کے قریب کوری بوگودی میں دو افراد کے درمیان ایک غیر معمولی تنازعہ ہوا جو جھڑپ میں تبدیل ہوگیا جس کے باعث تقریباً 100 افراد ہلاک اور کم از کم 40 زخمی ہوئے۔