سعودی عرب میں ٹیکسی ڈرائیور کیلئے یونیفارم

0 8

ریاض : سعودی عرب میں پبلک ٹرانسپورٹ اتھارٹی نے ٹیکسی ڈرائیوروں اور ایپلی کیشن ٹیکسی ڈرائیوروں کیلئے یونیفارم کی منظوری دی ہے اس پرعملدرآمد 12جولائی 2022 سے کیا جائے گا۔پبلک ٹرانسپورٹ اتھارٹی نے بیان میں کہا کہ’ ٹیکسی اور ایپلی کیشن کے ڈرائیوروں کے یونیفارم سے ٹرانسپورٹ سروس کا معیار بلند ہوگا اور اس کے خوشگوار اثرات پڑیں گے‘۔ اتھارٹی نے کہا کہ ٹیکسی اور ایپلی کیشن ٹیکسی سروس کو جدید تر بنایا جارہا ہے۔ اس حوالے سے متعدد تبدیلیاں لائی جارہی ہیں‘۔ٹیکسیوں کی تکنیکی خصوصیات متعین کی جارہی ہیں۔ ٹیکسی میں نئی گاڑیاں استعمال ہوں گی، پرانی گاڑیوں پر پابندی لگائی جارہی ہے۔پبلک ٹرانسپورٹ اتھارٹی نے ایپلی کیشن اور ٹیکسی سے تعلق رکھنے والے تمام کارکنان اوراہلکاروں سے کہا کہ وہ نئی وردی کی تفصیلات معلوم کرنے کیلئے اتھارٹی کی ویب سائٹ سے رجوع کریں۔