ریاض۔1؍ جون۔ ایم این این۔ سعودی وزارت مواصلات اور انفارمیشن ٹیکنالوجی نے سعودی عرب میں حج کے دوران عازمین کی سہولت کے لیے نئے انٹرنیٹ ٹاورز نصب کئے ہیں۔اردو نیوز کے مطابق، وزارت نے مکہ مکرمہ، منیٰ، مزدلفہ اور عرفات میں 6000 سے زائد فائبر آپٹک اور کمیونیکیشن ٹاورز کے ساتھ ساتھ وائی فائی پوائنٹس کی تعداد 10,000 سے زیادہ کردی ہے،
تاکہ حجاج کرام کی ان کی ضروریات کو پورا کیا جاسکے۔سعودی وزیر برائے مواصلات اور انفارمیشن ٹیکنالوجی انجینئر عبداللہ السواحہ نے منیٰ، عرفات اور مزدلفہ میں مواصلاتی نیٹ ورکس کے قیام کے انتظامات اور تیاریوں کا معائنہ کرنے کے لیے خصوصی دورہ کیا۔
دورے کے دوران، انہوں نے تمام ذمہ دار حکام کو حجاج کو اعلیٰ معیار کی مواصلاتی سہولیات فراہم کرنے کی اہمیت پر زور دیا۔لسواحہ اور ان کے ساتھ آنے والے وفد کو زیارت گاہوں پر مواصلاتی ڈھانچے کے حوالے سے تیاریوں کے بارے میں بریفنگ دی گئی۔
سعودی حکومت حجاج کرام کو فراہم کی جانے والی سہولیات اور خدمات کو مسلسل بہتر بنانے کے لیے پرعزم ہے، جدید ٹیکنالوجی کا استعمال کرتے ہوئے مجموعی طور پر حج کے تجربے کو بڑھانا اور تمام عازمین کے لیے ہموار اور آرام دہ سفر کو یقینی بنانا ہے۔