سعودی عرب میں ایک افسوسناک واقعہ پیش آیا جہاں عمرہ زائرین کی بس کے حادثے کے نتیجے میں 20 افراد جاں بحق اور متعد زخمی ہوگئے۔
عرب میڈیا کے مطابق یہ واقعہ پیر کو پیش آیا، عمرہ زائرین سے بھری ایک بس بریک فیل ہونے کی وجہ سے پہلے پل سے ٹکراکر الٹ گئی اور پھر اس میں آگ بھڑک اٹھی۔
فيديو | لقطات من موقع حادثة عقبة شعار في عسير#الإخبارية #نشرة_التاسعة pic.twitter.com/j5pCg5vwno
— قناة الإخبارية (@alekhbariyatv) March 27, 2023
مقامی حکام کے مطابق حادثے میں کم از اکم 20 افراد جاں بحق ہوگئے جبکہ 29کے زخمی ہونے کی اطلاعات ہیں۔
متاثرہ بس خمیس مشیط سے مکہ مکرمہ جا رہی تھی، بس میں مقامی افراد کے علاوہ زیادہ تر غیرملکی سوار تھے۔
ریسکیو اہلکاروں کا کہنا ہے کہ زائرین عمرے کی ادائیگی کے لیے مکہ جارہے تھے، زخمیوں کو مقامی اسپتال منتقل کردیا گیا ہے۔
Watch: At least 20 pilgrims were killed and another 29 were injured in a fiery bus crash while on their way to perform the #Umrah pilgrimage in #Mecca, local Saudi media report.#Ramadanhttps://t.co/ckW4pqyF3j pic.twitter.com/VCMdYGuzmC
— Al Arabiya English (@AlArabiya_Eng) March 28, 2023
الوطن اور الاخباریہ کے مطابق بس مقامی شہریوں اور مقیم غیرملکیوں کو لے کر خمیس مشیط سے مکہ مکرمہ جارہی تھی۔
سیکیورٹی فورس کے اہلکاروں نے حادثے کے بعد شعار درہ بند کردیا اور وہاں سے ٹریفک کے گزرنے کے لیے متبادل راستہ بنایا گیا ہے۔
شہری دفاع اور ہلال احمر کی ٹیموں نے موقع پر پہنچ کر امدادی کارروائی کی، زخمیوں کو ابتدائی طبی امداد کے بعد عسیر کے سینٹرل ہسپتال اور ابہا کے پرائیویٹ ہسپتال منتقل کیا گیا ہے۔
مرنے والوں کی لاشیں ہسپتال کے سرد خانے میں رکھی گئی ہیں۔ متعلقہ حکام حادثے کے اسباب جاننے کے لیے تحقیقات کررہے ہیں۔
الاخباریہ کے نامہ نگار نے بتایا کہ’ بس میں زیادہ تر غیر ملکی سوار تھے۔ ابھی یہ پتہ نہیں چل سکا کہ غیرملکیوں کا تعلق کن ممالک سے ہے‘۔
ابتدائی اطلاعات کے مطابق بریک سسٹم میں خرابی کے باعث حادثہ پیش آیا( فوٹو: المرصد)
ابتدائی اطلاعات میں بتایا گیا کہ ’بس ایک کمپنی کی تھی جو عسیر کے ’درہ شعار‘ کے پل کے آخری حصے سے ٹکرا کر الٹ گئی اور اس میں آگ لگ گئی‘۔
بس کے بریک سسٹم میں خرابی کے باعث حادثہ پیش آیا۔
زخمیو ں کے رشتہ داروں نے بتایا کہ’ حادثہ بس کے ٹکرانے اور خرابی کی وجہ سے پیش آیا ہے‘۔
ٹریفک پولیس نے ابھی تک حادثے کے بارے میں باقاعدہ بیان جاری نہیں کیا ہے۔