VIRAL TRUTH URDU NEWS

سرف ایکسیل کے اس ہولی پر ہندو مسلم بھائی چارے والے ٹی وی ایڈ پر مچا ہنگامہ،جانئے کیوں ہورہی مخالفت؟

By WARAQU-E-TAZA ONLINE
0 111


نئی دہلی: بھارت میں ہندو مسلم بھائی چارا اور آپسی تیوہار کو ملکر منانے کا رواج پرانا ہے،عید ہو یا دیپاولی یا ہولی ہو یا مکرسنکرانتی سب ایک دوسرے کو مبارکباد دیکر خوشیوں میں شریک ہوتے ہیں،بڑی بڑی کمپنیاں اپنے پروڈکٹس کو بیچنے کے لئے تیوہار پر ایڈ کرتی ہیں جس سے انکا سامان بھی بکے اور ساتھ ساتھ اچھا پیغام بھی سماج میں جائے۔

ہولی آنے میں اب کچھ ہی دن باقی ہیں۔ ایسے میں بازار بھی ہولی کو لیکر پوری طرح تیار ہیں۔ بازاروں میں رنگ، پچکاری ملنی شروع ہو چکی ہے تو وہیں ٹی وی پر بھی ہولی سے جڑے اشتہار آنے شروع ہو گئے ہیں۔ ایسے ہی ہولی سے جڑے سرف ایکسل کے ایک اشتہار کو لیکر سوشل میڈیا پر ہنگامہ مچا ہوا ہے۔ بھائی چارے کا پیغام دینے کی کوشش کر رہے اس اشتہار کا اثر عوام پر الٹا پڑتا دکھ رہا ہے۔ اس اشتہار میں ایک ہندو بچی اور مسلم بچے کو لیکر چھوٹی سی کہانی دکھائی گئی ہے۔ اسکا سوشل میڈیا پر ایک طبقہ مخالفت کر رہا ہے۔ مخالفت بھی اس سطح کی ہے که لوگ #bycottSurfExcel ہیشٹیگ کے ساتھ ٹویٹ کر رہے ہیں۔

دراصل surf excel نے ‘رنگ لائے سنگ’ کیمپین کے ذریعے ہولی پر ہندو مسلم بھائی چارہ کا پیغام دینے کی کوشش کی تھی۔ قریب ایک منٹ کے اس ایڈ میں دکھایا گیا ہے که سفید ٹی شرٹ پہنے ایک ہندو لڑکی پوری گلی میں سائکل لیکر گھومتی ہے اور بالکنی اور چھتوں سے رنگ پھینک رہے سبھی بچوں کے رنگ اپنے اوپر ڈلوا کر ختم کرا دیتی ہے۔

رنگ ختم ہو جانے کے بعد وہ اپنے مسلم دوست کے گھر کے باہر جاکر کہتی ہے که ‘باہر آجا سب ختم ہو گیا۔’ بچہ گھر سے سفید کرتا پجامہ اور ٹوپی پہنے نکلتا ہے۔ بچی اسے سائکل پر بٹھاکر مسجد کے دروازے پر چھوڑتی ہے۔ آخری میں اسکے سیڑھی چڑھتے وقت بچہ کہتا ہے نماز پڑھ کے آتا ہوں۔ وہ کہتی ہے، بعد میں رنگ پڑےگا۔

اس پر اسکا مسلم دوست دھیمے سے مسکرا دیتا ہے۔ اشتہار کے آخر میں کہا جاتا ہے ‘اپنے پن کے رنگ سے اوروں کو رنگنے میں داغ لگ جائیں تو داغ اچھے ہیں۔’ بتا دیں سرف ایکسل کی رسمی ٹیگ لائن ‘داغ اچھے ہیں’ ہے۔ سرف ایکسل کے اس اشتہار کے ذریعے ہندستان یونیلیور نے یہ پیغام دینے که کوشش کی تھی که رنگوں کے ذریعے سماج ساتھ آ سکتا ہے۔

Continue Reading