بڑے بالی ووڈ اسٹارس کے مفلسی میں پہنچنے کی خبریں جب بھی آتی ہیں، مداحوں کا دل افسوس سے بھر جاتا ہے۔ ان دنوں ایک ایسی ہی تصویر سوشل میڈیا پر وائرل ہو رہی ہے جس میں بالی ووڈ اداکارہ ادا شرما سبزی بیچتی نظر آرہی ہیں۔
گلیمرس نظر آنے والی ادا شرما ان تصاویر میں بے حد غریب اور بیمار لگ رہی ہیں۔ اس سے ان کے مداح ایک مرتبہ پھر حیران اور پریشان ہیں۔
میڈیا خبروں پر مطابق، ادا کی ان تصویروں کے پیچھے ان کی مفلسی نہیں، نیا پروجیکٹ وجہ ہے۔ بتایا جا رہا ہے کہ ادا کسی ہالی ووڈ پروجیکٹ آڈیشن کے لئے اس لک میں تھیں۔ ویسے اس لک میں ادا کو پہچاننا کسی کے لئے بھی کافی مشکل ہے۔
ان کے انسٹاگرام اکاونٹ پروہ بے حد خوبصورت تصاویر اور مذےدار ویڈیوز پوسٹ کرتی رہتی ہیں۔ ان کا یہ انداز بتا رہا ہے کہ وہ کردار میں اترنے کے لئے کچھ بھی کر سکتی ہیں۔