ہر روز کورونا کے بڑھتے ہوئے اثر اور کورونا مریضوں کی بڑھتی ہوئی تعداد کے ساتھ ریاست میں لاک ڈاؤن کا امکان بڑھ گیا ہے۔ کیونکہ اب خود وزیر اعلی یہ کہہ چکے ہیں کہ لاک ڈاؤن کا کوئی متبادل نہیں ہے۔ کل کل ہونے والی آل پارٹی میٹنگ میں وزیر اعلی ادھو ٹھاکرے نے کہا کہ اب فیصلہ لینے کا وقت آگیا ہے۔ ریاست میں لاک ڈاؤن کا کوئی متبادل نہیں ہے۔ ایک مریض 25؍افراد کو متاثر کرتا ہے لہذا اس سلسلہ کو توڑنے کی ضرورت ہے۔ چھوٹے چھوٹے بچے متاثر ہورہے ہیں ۔ اس میں کوئی سیاست نہیں ہے۔ مرکز سے آکسیجن اور ویکسین فراہم کرنے کو کہا گیا ہے۔ ادھو ٹھاکرے نے کہا اب لاک ڈاؤن کے سوا اور کوئی چارہ نہیں ہے۔ ہر ایک کو متفقہ فیصلہ لینا چاہئے اور سب کے درمیان آگاہی پیدا کرنا چاہئے۔


اپنی رائے یہاں لکھیں