Waraqu E Taza Online
Nanded Urdu News Portal - ناندیڑ اردو نیوز پورٹل

روضہ اطہر میں حاضری اور سلام پیش کرنے پر کئی نمازی آبدیدہ

’آج اتوار سے مسجد نبوی شریف میں روضہ اطہر اور سلام پیش کرنے کے اجازت ناموں کا اجرا شروع ہوا ہے‘ ( فوٹو: واس)

مسجد نبوی شریف میں روضہ اطہر میں نماز اور سلام پیش کرنے کے لیے حاضری کا آغاز آج فجر کی نماز کے ساتھ ہوا ہے۔

سبق ویب سائٹ کے مطابق روضہ اطہر میں نماز اور سلام پیش کرنے کے لیے حاضری دینے والے مسلمان اس موقع پر آبدیدہ ہوگئے۔

7 ماہ تعطلی کے بعد مسجد نبوی شریف میں حاضری دینے والے اولین گروہ کے متعدد افراد جذبات پر قابو نہ پاسکے۔

واضح رہے کہ آج اتوار سے مسجد نبوی شریف میں روضہ اطہر اور سلام پیش کرنے کے اجازت ناموں کا اجرا شروع ہو گیا ہے۔

انتظامیہ کے مطابق گنجائش کے حساب سے 75 فیصد لوگوں کو روضہ اطہر میں نماز اور سلام پیش کرنے کی اجازت دی جائے گی۔

مسجد نبوی شریف انتظامیہ نے اس موقع پر تیاریاں کر رکھی تھیں۔ نمازیوں کے درمیان سماجی فاصلہ اور ماسک کے علاوہ سینیٹائزنگ کا بھر پور انتظام کر رکھا ہے۔