ممبئی ۔9۔دسمبر ۔(ایجنسیز )۔200 اور 2000 روپے کے گندے اور کٹے پھٹے نوٹ کو آسانی سے تبدیل کرسکتے ہیں ۔ ریزور بینک آف انڈیا نے کٹے پھٹے اور گندے نوٹ بدلنے کیلئے آر بی آئی ( نوٹ ریفنڈ ) رولس 2009 میں تبدیلی کردی ہے ۔ اب آپ 1،2، 5، 10، 20، 50 ، 100، 200، 500، 1000 اور 2000 روپے کے نوٹ تبدیل کرسکتے ہیں ۔ ریزور بینک اس کو لے کر ستمبر میں نوٹیفکیشن جاری کرچکا ہے ۔دو ہزار کا نوٹ جاری ہوئے تقریبا دو سال سے زیادہ سے کا عرصہ گزرچکا ہے ۔ 2000 اور 200 کے نوٹوں کا رنگ اترنے ، کٹنے اور پھٹنے کے بعد کئی شہروں سے شکایت آئی تھی کہ بینک انہیں تبدیل نہیں کررہے ہیں ۔ بینکوں کا کہنا ہے کہ ان کے پاس آر بی آئی کی جانب سے اس کی اجازت نہیں ہے ، جس کی وجہ سے چھوٹی پونجی سے لے کر بڑا کاروبار کرنے والے تک سبھی پریشان ہورہے تھے