دوہزار کی نوٹ کی طرح شادی کا کارڈ سوشل میڈیا پر تیزی سے وائرل

1,643

حیدرآباد: دوہزارروپئے کی کرنسی نوٹ کی طرح شادی کا کارڈ ان دنوں دونوں تلگو ریاستوں تلنگانہ اور آندھراپردیش میں سوشیل میڈیا کے مختلف پلیٹ فارمس پر بحث کا موضوع بناہوا ہے۔

یہ شادی کاکارڈمشرقی گوداوری ضلع میں تیار کیاگیا ہے۔راجہ مہیندراورم کے اے وینکٹیش نے اپنی چھوٹی بیٹی ابھی نوی کی شادی کے سلسلہ میں دوہزارروپئے کی کرنسی نوٹ کی طرح شادی کا کارڈ تیار کرتے ہوئے تمام کو حیرت زدہ کردیا۔

ساتھ ہی اس نے اس نوٹ کی طرح نظرآنے والے کارڈ پر لکھا کہ ریزروبینک آف لو۔اس نے کارڈ کے پچھلے حصہ میں انگریزی میں لکھا”ایک لمحہ۔دو دل۔تین گانٹھ،سات قدم اور زندگی بھر ساتھ۔یہ شادی آپ کی موجودگی کے بغیر ادھوری رہے گی“۔یہ شادی یکم فروری کو ہونے والی ہے۔اسی دن استقبالیہ بھی تربیت دیاجائے گا۔