• 425
    Shares

اجمیر: راجستھان میں اجمیر کی مشہور صوفی خواجہ معین الدین حسن چشتی کی درگاہ کا انتظام سنبھالنے والی کمیٹی کی میٹنگ 16 اگست کو ہوگی۔ میٹنگ کی صدارت کمیٹی صدر امین پٹھان کریں گے۔ درگاہ کے ناظم کی جانب سے کمیٹی ارکان کو ایجنڈا ارسال کیا جاچکا ہے۔ میٹنگ میں درگاہ کے ترقیاتی کاموں کے ساتھ درگاہ کے پیچھے جھالرا چتوبرے کے تنازع پر بھی تبادلہ خیال ہوگا۔ بتایا جارہا ہے کہ میٹنگ درگاہ کے نزدیک غریب نواز گیسٹ ہاؤس میں ہوگی۔

درگاہ کمیٹی کی میٹنگ ایسے وقت ہو رہی ہے جب اجمیر میں محرم (منی عرس) چل رہا ہے اور 16 تاریخ کو خواجہ غریب نواز کی 9 ہجری 1443 کی پہلی ماہانہ چھٹی بھی ہوگی۔ ایسے میں درگاہ کے ارکان میٹنگ میں حصہ لینے کے ساتھ ماہانہ چھٹی میں بھی شرکت اور درگاہ میں حاضری دے سکیں گے۔

آج علی الصبح بابا فرید کا چلہ کھول دیا گیا جو تین دن کھلا رہے گا۔ محرم کے دوران کھلے چلے پر زیارت کے لئے درگاہ میں بھی عقیدت مندوں کی قطار بند بھیڑ جمع ہے۔ بابا فرید کی درگاہ پاکستان کے پاک پٹن میں ہے جہاں ان دنوں عرس چل رہا ہے

ورق تازہ نیوز اب ٹیلی گرام پر بھی دستیاب ہے۔ ہمارے چینل کو جوائن کرنے کے لئے یہاں کلک کریں  https://t.me/waraquetazaonlineاور تازہ ترین خبروں سے اپ ڈیٹ رہیں۔