حضرت مولانا سید محمد رابع حسنی ندوی کے چھوٹے بھائی حضرت مولانا سید محمد واضح رشید حسنی ندوی کا انتقال

لکھنو۔16۔جنوری ۔نہایت رنج و غم کے ساتھ یہ اطلاع دی جاتی ہے کہ عالم اسلام کے مشہور ومقبول عالم دین، قد آور صحافی، ندوۃ العلماء کے معتمد تعلیم، صحیفۃ الرائد کے رئیس التحریر، مجلہ البعث الاسلامی کے شریک ادارت، جنرل سکریٹری رابطہ ادب اسلامی، درجنوں عربی واردو کتابوں کے مصنف، مفکر اسلام حضرت مولانا سید ابوالحسن علی ندوی کے قابل وفاضل بھانجے اور ناظم ندوۃ العلماء وصدر آل انڈیا مسلم پرسنل لا بورڈ حضرت مولانا سید محمد رابع حسنی ندوی کے چھوٹے بھائی حضرت مولانا سید محمد واضح رشید حسنی ندوی کا آج 16جنوری 2019ء کو فجر کے وقت انتقال ہوگیا۔

انا للہ وانا الیہ راجعون.

ہم اہل خانہ سے تعزیت کرتے ہوئے دعا کرتے ہیں کہ اللہ تعالیٰ مولانا کی علمی ودینی خدمات قبول فرمائے اور اعلیٰ علیین میں مقام عطا کرے، نیز پسماندگان خصوصاً صدر بورڈ کو صبر جمیل عطا فرمائے آمین.