سعودی عرب میں حج سیکورٹی فورسز کی کمان کے سرکاری ترجمان بریگیڈیئر جنرل سامی الشویرخ کے مطابق حج پرمٹ کے حصول کے سلسلے میں قانون کی خلاف ورزی کرنے والے 9 افراد کو حراست میں لیا گیا۔ ان تمام افراد پر فی کس 10 ہزار ریال کا مالی جرمانہ عائد کیا گیا ہے۔

بریگیڈیر جنرل الشویرخ نے شہریوں اور غیر ملکی مقیمین پر زور دیا ہے کہ وہ رواں سال کے لیے حج سیزن سے متعلق ہدایات کی پاسداری کریں۔ انہوں نے باور کرایا کہ ذو الحجہ کی 13 تاریخ تک جو کوئی بھی بغیر اجازت نامے کے مسجد حرام ، اس کے اطراف مرکزیہ کے علاقے اور دیگر مقامات مقدسہ (منى، مزدلفہ، عرفات) تک پہنچنے کی کوشش کرے گا سیکورٹی فورسز اس کے خلاف کارروائی کریں گی۔