’جو کہا، اس پر کوئی افسوس نہیں‘

0 18

ممبئی،(پی ایس آئی)

معروف سینئر اداکار نصیر الدین شاہ نے بھارت میں جاری اپنے خلاف تنقید پر کہا ہے کہ ’ جو کچھ کہا تھا، اس پر با لکل بھی افسوس نہیں ہے‘
چند روز قبل بھارتی معاشرے پر کڑی تنقید کرنے پر نصیر الدین شاہ کو غدار کہا جا رہا ہے۔اس بارے میں جب ان سے سوال کیا گیا تو انہوں نے اپنا دفاع کرتے ہوئے کہا کہ ’میں اپنے کہے گئے الفاظ واپس نہیں لوں گا۔‘واضح رہے نصیر الدین شاہ نے ایک ویڈیو بیان میں کہا تھا کہ ’بھارت میں انتہا پسندی کا ’زہر ‘پھیل چکا ہے جسے اب قابو کرنا مشکل ہے۔یہاں گائے کے کاٹنے پر تو ایکشن ہو تا ہیمگر ایک انسان قتل کر دیا جائے تو کوئی پوچھنے والا نہیں ہوتا۔ ‘جس کے بعد انتہا پسند ہندو جماعتوں نے ان کو غدار قرار دیتے ہوئے دھمکانا شروع کردیا۔ میڈیاکو انٹرویو دیتے ہوئے انہوں نے کہا کہ مجھے غدار کہنے کے علاوہ اور بھی بہت سی چیزیں ہیں جو مجھ سے منسوب کی گئیں۔

سری دیوی کی چھوٹی بیٹی بھی بالی ووڈ میں انٹری کیلئے تیار

ممبئی،
(پی ایس آئی)
بالی ووڈ کی آنجہانی اداکارہ سری دیوی کی بڑی بیٹی جھانوی کے بعد اب ان کی چھوٹی بیٹی خوشی کپور بھی بہت جلد بالی ووڈ میں انٹری دینے والی ہیں۔

بالی ووڈ میں اسٹارکڈزکوفلموں میں متعارف کرانے کے حوالے سے مشہور ہدایت کار وپروڈیوسرکرن جوہر 2019 میں آنجہانی اداکارہ سری دیوی کی چھوٹی بیٹی خوشی کپور کو بھی بالی ووڈ میں متعارف کرانے جارہے ہیں۔ اس بات کا اعلان انہوں نے اداکارہ نیہا دھوپیا کے چیٹ شو ’نوفلٹرنیہا‘ میں کیا۔کرن جوہرنے کہا وہ خوشی کپور کے مقابل اداکار جاوید جعفری کے بیٹے میزان جعفری کوکاسٹ کریں گے، کرن جوہرنے میزان جعفری کے بارے میں بتاتے ہوئے کہا کہ میزان بہت باصلاحیت لڑکا ہے اس میں ایک بڑا اسٹاربننے کی صلاحیت ہے۔یاد رہے کہ میزان جعفری کو بالی ووڈ کے صف اول کے ہدایت کار سنجے لیلا بھنسالی نے بھی اپنے اگلے پراجیکٹ میں سائن کیا ہے۔واضح رہے کہ کرن جوہرنے رواں سال سری دیوی کی بیٹی جھانوی کپور اورشاہد کپور کے چھوٹے بھائی ایشان کھتر کوفلم ’دھڑک‘ میں لانچ کیا تھا جب کہ سیف علی خان کی بیٹی سارہ علی خان کو بھی کرن جوہر نے فلم ’سمبا‘ میں رنویرسنگھ کے مقابل کاسٹ کیا ہے۔ اس سے قبل 2012 میں وہ ورون دھون اورعالیہ بھٹ کو بھی لانچ کرچکے ہیں جب کہ کرن جوہرچنکی پانڈے کی بیٹی آنانیا پانڈے کو بھی ’اسٹوڈنٹ آف دی ایئر2‘ میں لانچ کررہے ہیں۔