تم اگر مجھ کو نا چاہو تو کوئی بات نہیں: شیوپال

اٹاوہ: پرگتی شیل سماج وادی پارٹی لوہیا (پی ایس پی ایل) سربراہ شیوپال سنگھ یادو نے فلمی گانے کے دو مصرعوں کے ذریعہ سماج وادی پارٹی (ایس پی) پر طنز کستے ہوئے کہا ’’تم اگر مجھ کو نا چاہو تو کوئی بات نہیں۔ تم کسی غیر کو چاہوگے تو مشکل ہوگی‘‘۔

یادو نے سنیچر کی رات اپنے انتخابی حلقے جسونت نگر کے رام لیلا میدان میں منعقد آل انڈیا کوی سمیلن کا افتتاح کرتے ہوئے بلواسطہ طور پر ان سماج وادیوں کو آڑے ہاتھوں لیا جو مبینہ طور پر اسمبلی انتخابات میں انہیں شکست سے دو چار کرنے کی سازش کررہے تھے۔

یادو نے دعوی کیا کہ 2017 کے اسمبلی انتخابات میں ان کو ہرانے کے لئے بڑے پیمانے پر شازش کی گئی لیکن عوام نے انہیں سرماتھے لگا کر پھر سے جیت دلاکراسمبلی بھیجا۔ عوام کا شکریہ ادا کرتے ہوئے انہوں نے کہا کہ ’’یہاں کے لوگوں نے ہمارے خاندان کو بہت اونچائیوں پر پہنچایا ہے۔

ہمارے بھائی نیتا جی ملائم سنگھ یادو سات بار رکن اسمبلی اور چار بار رکن پارلیمان رہے ہیں۔یہ سب نیتا جی کا حلقے کے عوام سے لگاؤ اور ان کی لگن کی وجہ سے ممکن ہوا۔سال 1996 سے مجھے یہاں کی عوام نے لگاتا چار بار رکن اسمبلی بنایا اور اس وقت بھی ہوں۔

پی ایس پی ایل سربراہ نے کہا ’’آپ نے مجھے 50 ہزار سے زیادہ ووٹوں سے جیت سے ہمکنار کر ے اعزاز دینے کا کام کیا اور میرے مخالفین کے منصوبوں پر پانی پھیرا۔ میرا دل ہر وقت جسونت نگر میں ہی رہتا ہے۔میں بلائے۔بن بلائے یہاں آتا رہتا ہوں۔ یہاں کی عوام سے ہمارا رشتہ ’عاشق۔معشوق‘ جیسا ہے۔ آپ لوگ میرے اپنے ہیں۔ نیتا جی اور میں کبھی نہیں بھولیں گے۔ شیوپال سنگھ یہ کہنے سے بھی نہیں چوکے کہ اپنوں کا احترام کرنے سے ترقی اور گھمنڈ کرنے سے تنزلی ملتی ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-


chrome_5UcEeDOjV2
کملیش تیواری قتل: بھسماسور بالآخر اپنے ہی ہاتھوں خود کی ہلاکت کا سبب بن جاتا ہے
سادھوی پراچی نے جان کو خطرے کا دعوی کیا‘ اور سکیورٹی کی مانگ بھی کی

WARAQU-E-TAZA ONLINE

I am Editor of Urdu Daily Waraqu-E-Taza Nanded Maharashtra Having Experience of more than 20 years in journalism and news reporting. You can contact me via e-mail waraquetazadaily@yahoo.co.in or use facebook button to follow me