بگ باس کی عرشی خان کی سیاست میں انٹری » مہاراشٹر کانگریس میں مل سکتا ہے بڑا عہدہ

• ایک انٹرویو میں عرشی خان نے کہا که وہ کانگریس جائن کر رہی ہیں

• ذرائع کے مطابق، مہاراشٹر کانگریس میں انہیں بڑا عہدہ مل سکتا ہے

ممبئی۔ بگ باس کی کنٹیسٹینٹ عرشی خان سیاست میں اینٹری کرنے جا رہی ہیں۔ عرشی خان کانگریس پارٹی کے ساتھ اپنے سیاسی سفر کا آغاز کرینگی۔ عرشی نے خود اس بات کی تصدیق کی ہے۔ ذرائع کے مطابق، مہاراشٹر کانگریس میں انہیں بڑا عہدہ مل سکتا ہے۔

ایک انٹرویو میں عرشی خان نے کہا، “ہاں، میں کانگریس جائن کر رہی ہوں۔ میں مہاراشٹر کی وائس پریسڈینٹ کے طور پر اس پارٹی میں شامل ہو رہی ہوں۔ پارٹی کو ان نوجوانوں کی ضرورت ہے جو کھلے عام اپنی باتیں رکھ پائیں۔”

بھوپال کی رہنے والی ہیں عرشی

عرشی خان بھوپال سے تعلق رکھتی ہیں۔ کئی بار تنازعات میں انکا نام آ چکا ہے۔ بگ باس 11 میں انکی جرنی نے کافی ہنگامہ مچایا تھا۔ شو کے دوران عرشی نے خود قبول کیا تھا که وہ کنٹروورسی میں رہنا پسند کرتی ہیں۔

شلپا شندے بھی ہو چکی ہیں کانگریس میں شامل

اس سے پہلے 5 فروری کو بگ باس 11 کی فاتح شلپا شندے نے بھی کانگریس پارٹی جوائن کی تھی۔ وہیں، بھاجپا بھی کئی بالی وڈ سٹارس کے رابطہ میں ہے۔ گزشتہ دنوں بالی وڈ ایکٹریس ایشا کوپیکر بھاجپا میں شامل ہوئیں تھیں۔