بس ڈرائیور کو ہارٹ اٹیک آیا،گاڑی حادثہ کا شکار، 9 مسافروں کی موت

نئی دہلی: گجرات کے نوساری ضلع میں سنیچر کی صبح ایک بس اور ایس یو وی کار کے درمیان خوفناک حادثے میں 9 افراد ہلاک اور 28 دیگر زخمی ہوگئے۔

سورت میں جاری پرمکھ سوامی مہاراج صد سالہ تہوار سے واپس آرہی لوگوں سے بھری بس نوساری نیشنل ہائی وے (ہائی وے) نمبر 48 پر ٹویوٹا فارچیونر کار سے ٹکرا گئی۔ بس ڈرائیور کو دل کا دورہ پڑا اور وہ گاڑی کا کنٹرول کھو بیٹھا۔

اسے علاج کے لیے اسپتال لے جایا گیا، جہاں اس کی موت ہوگئی۔ کار میں سوار نو میں سے آٹھ افراد کی موت ہو گئی۔جبکہ بس میں سوار 28 افراد زخمی ہو گئے۔ 11 کو نجی اسپتال لے جایا گیا۔